تاریخ نے ثابت کیا ہے افواج پاکستان، قوم ہر جارحیت کیخلاف سیسہ پلائی دیوار ثابت ہوئے ہیں، آرمی چیف

آرمی چیف کا بیان

راولپنڈی (ڈیلی پاکستان آن لائن) آرمی چیف جنرل عاصم منیر نے کہاکہ الحمد للہ! تاریخ نے یہ ثابت کیا ہے کہ افواج پاکستان اور قوم ہر جارحیت کے خلاف سیسہ پلائی دیوار ثابت ہوئے ہیں۔

یہ بھی پڑھیں: بٹھنڈہ میں طیارہ گرا تو عینی شاہدین نے کیا دیکھا؟ ایسی تفصیلات سامنے آگئیں کہ آپ کو بھی اپنے شاہینوں پر فخر ہوگا

پاکستان کی دفاعی صلاحیت

نجی ٹی وی چینل جیو نیوز کے مطابق، آرمی چیف جنرل عاصم منیر کا کہنا تھا کہ علاقائی سالمیت اور خودمختاری کے تحفظ کیلئے پاکستان میں بھرپور دفاعی صلاحیت موجود ہے۔ انہوں نے مزید کہا کہ ملکی سالمیت کا دفاع کرنا ہمیں بخوبی معلوم ہے، اور 13 لاکھ بھارتی فوج اپنے تمام ہتھیاروں کے ساتھ ہمیں ڈرا اور دھمکا نہیں سکتی۔

قومی یکجہتی اور عزم

پاک فوج کے سپہ سالار نے یہ بھی کہا کہ ہمارے آباؤ اجداد نے اس ملک کی تشکیل کیلئے بے پناہ قربانیاں دی ہیں۔ ہم اس ملک کی حفاظت کرنا بھی جانتے ہیں، اور ہم بھارت کی طاقت، مکاری اور جارحیت سے مرعوب ہونے والی قوم نہیں ہیں۔