عمران خان کی نااہلی پر احتجاج؛ ایک اور ملزم پر فرد جرم عائد
اسلام آباد میں پی ٹی آئی رہنماؤں کی نااہلی کا کیس
اسلام آباد(ڈیلی پاکستان آن لائن) بانی پی ٹی آئی کی نااہلی پر فیض آباد کے مقام پر احتجاج کے کیس میں انسداد دہشت گردی عدالت اسلام آباد نے ملزم راجا ماجد پر فرد جرم عائد کر دی۔
یہ بھی پڑھیں: ملک کے بعض علاقوں میں موبائل فون سروس معطل
کیس کی سماعت
نجی ٹی وی چینل ایکسپریس نیوز کے مطابق انسداد دہشت گردی عدالت کے جج طاہر عباس سپرا نے کیس کی سماعت کی۔ ملزم کی جانب سے صحت جرم سے انکار کر دیا گیا۔
یہ بھی پڑھیں: کراچی، ایل پی جی کی دکان میں آتشزدگی کے باعث 2 افراد جاں بحق
ملزمان کی موجودگی
فیصل جاوید خان اور واثق قیوم، کی جانب سے حاضری سے استثناء کی درخواستیں دائر کی گئیں جبکہ عامر محمود کیانی و دیگر ملزمان عدالت میں پیش ہوئے۔ عدالت فیصل جاوید خان سمیت دیگر ملزمان پر فرد جرم گزشتہ سماعت پر عائد کر چکی ہے۔
یہ بھی پڑھیں: لاہور : اہم شخصیات سے متعلق نازیبا ویڈیوز بنانے اور اپ لوڈ کرنے پر 24 گھنٹوں میں 23 مقدمات
وکالت کا معاملہ
ملزمان کی جانب سے وکیل سردار مصروف خان اور زاہد بشیر ڈار عدالت میں پیش ہوئے۔
یہ بھی پڑھیں: امریکی عدالت نے فلسطینی بچے کے قاتل کو 53 سال قید کی سزا سنادی
اگلی سماعت کی تاریخ
عدالت نے کیس کی اگلی سماعت پر استغاثہ کے گواہان کو طلب کر لیتے ہوئے کیس کی سماعت 19 مئی تک ملتوی کر دی۔
ملزمان کے خلاف مقدمہ
فیصل جاوید خان، واثق قیوم، عامر کیانی و دیگر مقدمے میں نامزد ہیں۔ پی ٹی آئی رہنماؤں کے خلاف تھانہ آئی 9 میں مقدمہ درج ہے۔
