دہشت گرد تنظیموں سے بھی بھارت کی طرح نمٹنے کا اعلان

پاکستان کی فتح

لاہور(ڈیلی پاکستان آن لائن) وفاقی وزیرداخلہ محسن نقوی کا کہنا ہے کہ پاکستان نے تمام محاذوں پر بھارت کو شکست دی۔ کالعدم بی ایل اے سمیت تمام دہشتگرد تنظیموں سے بھی اسی طرح نمٹیں گے۔

یہ بھی پڑھیں: بھارتی میڈیا کے جھوٹے دعوے بے نقاب، پہلگام حملے میں مردہ قرار دیاگیا جوڑا زندہ نکلا

بھارت کی دہشتگردی کا جواب

نجی ٹی وی سما نیوز کے مطابق لاہور میں بھارتی ڈرون حملے میں شہید نوجوان کے گھر آمد کے موقع پر وزیرداخلہ محسن نقوی نے کہا کہ اب انڈیا کوئی بھی ایڈونچر کرنے سے پہلے 100 بار سوچے گا، ہمارا کسی دہشتگردی سے کوئی تعلق نہیں، بھارت نے دہشتگردی کا ڈرامہ رچایا، ڈرامے بنانے میں ان کی انڈسٹری کو سب جانتے ہیں۔

یہ بھی پڑھیں: جیک پال اور مائیک ٹائسن کی مڈبھیڑ: ایک یوٹیوبر کی 31 سال بڑے باکسنگ لیجنڈ کے خلاف لڑائی جو نیٹ فلکس پر براہ راست دکھائی جائے گی

مختلف محاذوں پر جنگ

محسن نقوی نے کہا کہ جنگیں اب 3 حصوں میں نہیں، 5 حصوں میں ہو چکی ہیں۔ بری، بحری اور فضائی محاذ کے ساتھ ساتھ سفارتی محاذ بھی اہم ہے، پانچواں محاذ میڈیا کا ہے۔ پاکستان نے تمام محاذوں پر بھارت کو شکست دی، کالعدم تنظیموں سے بھی اسی طرح نمٹیں گے۔

یہ بھی پڑھیں: مقبوضہ کشمیر میں ’’آپریشن بنیان مرصوص‘‘ سے بھارت کو منہ توڑ جواب دینے کے پوسٹرز لگ گئے

شہید علی حیدر کے اہل خانہ سے تعزیت

وزیرداخلہ محسن نقوی نے اس موقع پر بھارتی ڈرون حملے میں شہید نوجوان علی حیدر کی والدہ شمیم بی بی سے اظہار تعزیت کیا۔ کچا جیل روڈ کا رہائشی علی حیدر راولپنڈی میں برگر کا سٹال لگانے گیا تھا، 20 سال کا شہید علی حیدر 8 بہنوں کا اکلوتا بھائی تھا۔

اہل خانہ کے ساتھ اظہار یکجہتی

وزیرداخلہ محسن نقوی نے کہا کہ اللہ تعالیٰ شہید کے اہل خانہ کو صبر دے، 20 سال کا شہید نوجوان اہل خانہ کا واحد سہارا تھا۔ شہید کے اہل خانہ کے ساتھ ہیں، ہم ہر ممکن مدد کریں گے، بھارت سے جنگ میں ان شہدا کی وجہ سے کامیابیاں ملیں۔