بھارتی پروازوں کے لیے پاکستانی فضائی حدود تاحال بند، 18 روز میں ایئر لائنز کو 400 کروڑ انڈین روپے کا نقصان

بھارتی ایئر لائنز پر پاکستانی فضائی حدود کی بندش کا اثر

نئی دہلی (ڈیلی پاکستان آن لائن) بھارتی پروازوں کیلئے پاکستانی فضائی حدود کی بندش کے باعث اب تک بھارتی ایئر لائنز کی ہزاروں پروازیں منسوخ یا پھر طوالت کا شکار ہو چکی ہیں۔

یہ بھی پڑھیں: کیا کلر وہیل نے اپنی ٹرینر کی جان لے لی؟ وائرل ویڈیو کی حقیقت سامنے آگئی

19 روز کی بندش

نجی ٹی وی جیو نیوز کے مطابق بھارتی پروازوں کیلئے پاکستانی فضائی حدود کی بندش کا آج 19 واں روز ہے اور 18 روز کے دوران اب تک 2 ہزار بھارتی پروازیں پاکستانی فضائی حدود بند ہونے سے متاثر ہو چکی ہیں۔

یہ بھی پڑھیں: امریکہ میں سمٹ، پہلے کوئی پوچھ بھی نہیں رہا تھا لیکن شاہینوں کے کارنامے کے بعد پاکستانی وفد دنیا کی توجہ کا مرکز بن گیا، عرب اور ترک لوگ کیسے مل رہے ہیں؟

مالی نقصان

ذرائع کا بتانا ہے کہ بھارتی ایئر لائنز کو گزشتہ 18 روز میں 400 کروڑ بھارتی روپے سے زائد کا نقصان ہو چکا ہے، لمبے فضائی روٹس کے باعث بھارتی ایئر لائنز کو فیول اور دیگر اخراجات میں اضافے کا سامنا ہے۔

یہ بھی پڑھیں: بھارتی فلمی دنیا میں رہتے ہیں، حقیقت کیا ہے پاک آرمی نے بتا دیا: بہروز سبزواری

پروازوں کی منسوخی

ذرائع کا کہنا ہے کہ امرتسر، نئی دلی، ممبئی اور احمد آباد سمیت دیگر شہروں سے جانے والی پروازوں کو یومیہ کروڑوں روپے کا نقصان ہو رہا ہے۔ دونوں ممالک میں جنگ بندی کے باوجود بھارت کے 24 ایئر پورٹس کا فلائٹ آپریشن آج بھی غیر فعال ہے، تمام طیارے بھی ہٹا لئے گئے ہیں جبکہ آج کی 444 پروازیں منسوخ ہو چکی ہیں۔

سری نگر اور لداخ ایئرپورٹس کی صورت حال

رپورٹ کے مطابق 7 دن سے بند سری نگر ایئرپورٹ سے روزانہ کی 65 پروازیں منسوخ کی گئیں جبکہ لداخ کے لیہ کوشک ایئرپورٹ کی آج بھی تمام 30 پروازیں منسوخ ہیں، جموں ایئر پورٹ کی 30 پروازیں منسوخ ہیں اور تمام طیارے ہینگر سے ہٹا لئے گئے ہیں۔