بھارت کے خلاف جنگ میں مقبول ہونے والے ایئر وائس مارشل اورنگزیب احمد کون ہیں؟

پاکستان کا بھارتی جارحیت کا جواب

اسلام آباد (ڈیلی پاکستان آن لائن) بھارت اور پاکستان کے مابین حالیہ کشیدگی کے دوران، پاکستان نے بھارتی جارحیت کا منہ توڑ جواب دیتے ہوئے ادھم پور، آدم پور اور شیر کوٹ ایئر بیسر سمیت ایئر فیلڈ کو تباہ کیا اور ملٹری چیک پوسٹوں کو نشانہ بنایا۔

یہ بھی پڑھیں: فواد چوہدری نے فلک جاوید کی گرفتاری پر رد عمل جاری کر دیا

پاکستانی افواج کی کارروائیاں

نجی سوشل میڈیا ویب سائٹ وی نیوز کے مطابق، پاکستان کی افواج نے بھارت کے اندر گھس کر ٹارگٹس کو نشانہ بنایا جس کے بعد پاک فضائیہ کے ایئر وائس مارشل اورنگزیب احمد سوشل میڈیا پر ٹاپ ٹرینڈ کرنے لگے۔ جہاں سوشل میڈیا صارفین ان کی بہادری کی تعریف کر رہے ہیں، وہیں وہ لڑکیوں اور خواتین کا نیا کرش قرار دیے جا رہے ہیں۔

یہ بھی پڑھیں: کراچی پولیس نے مبینہ مقابلے میں دو سگے بھائی ڈاکوؤں کو گرفتار کرلیا

ایئر وائس مارشل اورنگزیب احمد کا تعارف

یہ ایئر وائس مارشل اورنگزیب احمد ہیں کون؟ پاک فضائیہ کی میڈیا ریلیز کے مطابق، ایئر وائس مارشل اورنگزیب احمد کو دسمبر 1992 میں جنرل ڈیوٹی (پائلٹ) برانچ میں کمیشن دیا گیا تھا۔ اپنے کیریئر کے دوران انہوں نے ایک فائٹر سکواڈرن اور ایک آپریشنل ایئر بیس کی کمانڈ کی ہے۔

یہ بھی پڑھیں: پاکستان کے قومی جانور مارخور سمیت 118 جانوروں کے شکار کے پرمٹ نیلام، مارخور کا پرمٹ 10 کروڑ میں نیلام کیا گیا

تعلیم اور تجربات

وہ اسلام آباد میں ایئر ہیڈکوارٹرز میں اسسٹنٹ چیف آف دی ایئر سٹاف (آپریشنل ریکوائرمنٹس اینڈ ڈویلپمنٹ) کے عہدے پر بھی فائز رہ چکے ہیں۔ ایئر آفیسر نے چین سے ملٹری آرٹس اور نیشنل ڈیفنس یونیورسٹی، اسلام آباد سے نیشنل سکیورٹی اور وار سٹڈیز میں ماسٹرز کی ڈگریاں حاصل کی ہیں۔

خدمات اور اعزازات

وہ نیشنل ڈیفنس یونیورسٹی اسلام آباد میں ڈائریکٹنگ سٹاف اور فیکلٹی ممبر کے طور پر بھی خدمات انجام دے چکے ہیں۔ مزید برآں، انہوں نے سعودی عرب میں پاکستان ایروناٹیکل کمپلیکس ٹیم کے کنٹی جنٹ کمانڈر کے طور پر بھی فرائض انجام دیے ہیں۔ ان کی شاندار خدمات کے اعتراف میں انہیں ستارہ امتیاز (ملٹری) سے بھی نوازا جا چکا ہے۔