آپریشن بنیان مرصوص کی کامیابی نے قومی یکجہتی کے جذبے کی نئی روح پھونک دی: وزیر اعلیٰ مریم نواز

اجلاس کا آغاز

لاہور (ڈیلی پاکستان آن لائن) وزیراعلیٰ پنجاب مریم نواز نے ہیلتھ اینڈ پاپولیشن ڈیپارٹمنٹ کے اجلاس کے آغاز میں شرکاء کو "آپریشن بنیان مرصوص" کی کامیابی پر مبارکباد دی۔ وزیراعلیٰ مریم نواز نے کہا کہ "آپریشن بنیان مرصوص" کی کامیابی نے قوم کو نیا اعتماد دیا اور قومی یکجہتی کے جذبہ کی نئی روح پھونک دی۔ محمد نواز شریف نے ایٹمی دھماکے کر کے دفاع ناقابل تسخیر بنایا، جس سے دنیا میں پاکستان کی عزت و احترام بڑھا۔

یہ بھی پڑھیں: بھارت دنیا میں تنہا رہ گیا، مودی استعفیٰ دے

ہیلتھ اینڈ پاپولیشن کے اقدام

وزیراعلیٰ مریم نواز نے ہیلتھ اینڈ پاپولیشن ڈیپارٹمنٹ کے اجلاس میں پنجاب بھر میں مریضوں کیلئے عالمی معیار کے مطابق بلڈ کی فراہمی کے لیے پلان طلب کر لیا۔ وزیراعلیٰ نے ہر ڈویژن میں تھیلیسیمیا سینٹر قائم کرنے کی اصولی منظوری دی۔ 21 ڈسٹرکٹ اور 15 تحصیل ہیڈ کوارٹر ہسپتالوں میں بھی تھیلیسیمیا سینٹر بنیں گے۔ وزیراعلیٰ نے ہیلتھ کے لیے موثر ترین سینٹرل مانیٹرنگ سسٹم نافذ کرنے کا اصولی فیصلہ کیا۔

یہ بھی پڑھیں: 1 مئی مقدمات؛ بانی پی ٹی آئی کا پولی گرافک ٹیسٹ کرانے سے انکار

ہسپتالوں کی بحالی اور ری ویمپنگ

وزیراعلیٰ نے ہسپتالوں کی ری ویمپنگ جلد از جلد مکمل کرنے کی ہدایت کی اور 800 مراکز صحت کی ری ویمپنگ 20 جون تک مکمل کرنے کا حکم دیا۔ انہوں نے ضلعی اور تحصیل ہسپتالوں میں صفائی اور سیکیورٹی سروسز کی مؤثر نگرانی کا نظام واضح کرنے کی ہدایت کی۔

یہ بھی پڑھیں: آرمی چیف نے وہ کر دکھایا جو کبھی کوئی نہ کر سکا، فیصل واوڈا

مالی سال کے مجوزہ پراجیکٹس

اجلاس میں اگلے مالی سال کے مجوزہ پراجیکٹ کا تفصیلی جائزہ لیا گیا۔ مریم نواز ہیلتھ کلینک کے 71 اور پاپولیشن مینجمنٹ اینڈ فیملی پلاننگ پروگرام کے 75 پراجیکٹ کا بھی جائزہ لیا گیا۔ پنجاب بھر میں ڈسپینسری، ایم سی ایل سینٹر کی بحالی، ایکوپمنٹ اور فرنیچر کی فراہمی کے پراجیکٹس پیش کیا گیا۔

نئے پراجیکٹس اور ضروریات

پنجاب میں آکسیجن سمیت دیگر ضروری گیسوں کی تیاری کا پراجیکٹ تیار کر لیا گیا۔ ہسپتالوں میں جدید ترین آلات سے مزین ٹراما سینٹر قائم کرنے کی تجویز پر اتفاقِ رائے کیا گیا۔ سرکاری ہسپتالوں میں جدید ترین میڈیکل مشینری آپریٹ کرنے کیلئے ٹرینڈ سٹاف کی خدمات حاصل کرنے کی ضرورت پر زور دیا گیا۔