امریکا نے ایران پر نئی پابندیاں عائد کرنے کا اعلان کر دیا

امریکا کی نئی پابندیاں

واشنگٹن(ڈیلی پاکستان آن لائن) امریکا نے ایران پر نئی پابندیاں عائد کرنے کا اعلان کر دیا۔

یہ بھی پڑھیں: مالاکنڈ میں پہاڑی سلسلے میں آگ لگ گئی، بڑے پیمانے پر جنگلی حیات کو نقصان

پابندیوں کی وجوہات

نجی ٹی وی چینل ہم نیوز کے مطابق امریکہ کے محکمہ خارجہ نے اپنے بیان میں کہا کہ امریکا نے جوہری ہتھیاروں کی تیاری میں مبینہ کردار پر ایران کے تین افراد اور ایک ادارے پر پابندیاں عائد کی ہیں۔

یہ بھی پڑھیں: قومی اسمبلی کی نیشنل فوڈ اینڈ سکیورٹی کمیٹی کا اجلاس، سیڈترمیمی بل 2024کی منظوری

مخالف کمپنی اور افراد

امریکی محکمہ خارجہ کے مطابق پابندیوں کیلئے نامزد ایک کمپنی فویا پرس پراسپیکٹیو ٹیکنالوجیسٹ ہے، جس کے ساتھ تین افراد مبینہ طور پر ملک کی وزارت دفاع کے تحت ایران کی دفاعی اختراع اور تحقیق کی تنظیم سے منسلک ہیں۔

یہ بھی پڑھیں: 56 Pakistani Prisoners Return Home After Years in Sri Lanka

ایس پی این ڈی کی شناخت

اس ادارے کو فارسی مخفف ایس پی این ڈی سے بھی جانا جاتا ہے، امریکا کے اقدامات کا مقصد جوہری ہتھیاروں کی تحقیق اور ترقی کیلئے ایس پی این ڈی کی صلاحیت میں تاخیر اور کمی کرنا ہے۔

پابندیوں کے اثرات

ان پابندیوں کی وجہ سے امریکا میں نامزد افراد اور ادارے کے کسی بھی اثاثے کو منجمد کیا جا سکے گا اور امریکی شہریوں اور کمپنیوں پر ان کے ساتھ کاروبار کرنے پر پابندی عائد کی جا سکے گی۔