شاہ محمود کا جیل سے خط، ملک میں سیاسی جنگ بند کرنے کی اپیل
شاہ محمود قریشی کی جنگ بندی کی اپیل
لاہور (ڈیلی پاکستان آن لائن) تحریک انصاف کے وائس چیئرمین شاہ محمود قریشی نے بھارت سے جنگ بندی کے بعد ملک کے اندر بھی سیاسی جنگ بند کرنے کی درخواست کی ہے۔
یہ بھی پڑھیں: عمران خان نے تحریک انصاف میں انتشار پھیلانے والوں کے خلاف کارروائی کا حکم دیا ہے، وزیر اعلیٰ خیبر پختونخوا علی امین گنڈا پور
خط میں قومی مکالمے کی ضرورت
نجی ٹی وی چینل جیو نیوز کے مطابق، کوٹ لکھپت جیل سے عوام کے نام ایک خط میں، شاہ محمود قریشی نے کہا ہے کہ وہ سنجیدہ قومی مکالمہ شروع کرنے کی درخواست کرتے ہیں۔
پی ٹی آئی کی قیادت کی حمایت
شاہ محمود قریشی نے اپنے خط میں کہا کہ پاک بھارت کشیدگی کے دوران، پی ٹی آئی کی قیادت، کارکنان اور پوری قوم اپنی افواج کے پیچھے سیسہ پلائی دیوار بن کر کھڑی رہی۔ خط میں انہوں نے لکھا کہ پاکستان ہمیشہ سب سے پہلے ہے۔
