لاہور میں 16 سالہ نوجوان سے بدفعلی کرنے والے 2 ملزمان گرفتار

پولیس کی کارروائی

لاہور (ویب ڈیسک) لاہور کے علاقے اقبال ٹاؤن میں پولیس نے بدفعلی کرنے والے دو ملزمان کو گرفتار کرلیا۔

یہ بھی پڑھیں: پنجگور میں نامعلوم مسلح افراد کا حملہ، فائرنگ، 6 افراد موت کے منہ میں چلے گئے

بدفعلی کا واقعہ

نجی ٹی وی ایکسپریس نیوز کے مطابق اقبال ٹاؤن پولیس نے مددگار 15 کال پر فوری کارروائی کرتے ہوئے بدفعلی کرنے والے ملزمان کو گرفتار کیا۔

یہ بھی پڑھیں: ماں میں چور نہیں ہوں، چپس چوری کے الزام پر 12 سالہ بچے نے خودکشی کرلی

بلیک میلنگ کا کیس

پولیس کے مطابق ملزمان علی عرف ہنی اور باسط نے 16 سالہ عبدالرحمان کے ساتھ بدفعلی کی اور اس کی ویڈیو بناکر اُسے بلیک میل کیا تھا۔

یہ بھی پڑھیں: وزیراعلیٰ پنجاب مریم نواز کی زیرصدارت صوبائی کابینہ کا اجلاس، صحافی کالونی فیزٹو کیلئے 40کروڑ روپے کی گرانٹ منظور

خود کشی کی کوشش

ایس پی ڈاکٹر محمد عمر نے کہا کہ ملزم باسط کی بچے سے غلط کاری کی اور علی اس سارے عمل کی ویڈیو بناتا رہا، جس کی وجہ سے بچے نے اس سے دلبرداشتہ اور پریشان ہو کر خود کشی کی نیت سے زہریلی گولیاں کھا لیں۔

یہ بھی پڑھیں: رجب بٹ اور ندیم نانی والاکی عبوری ضمانتوں میں 6 مارچ تک توسیع

کامیاب کارروائی

انہوں نے بتایا کہ اقبال ٹاؤن پولیس نے بروقت بچے کو اسپتال منتقل کر کے جان بچائی جبکہ پولیس نے ملزمان کو ایک گھنٹے کے اندر گرفتار کرکے مقدمہ درج کرلیا۔

ایس پی کی شاباش

ایس پی اقبال ٹاؤن نے بروقت کارروائی پر ایس ایچ او اقبال ٹاؤن عامر شہزاد اور پولیس ٹیم کو شاباش دیتے ہوئے کہا کہ بچوں اور عورتوں سے زیادتی کرنے والے کسی رعایت کے مستحق نہیں ہیں۔