لاہور میں 16 سالہ نوجوان سے بدفعلی کرنے والے 2 ملزمان گرفتار

پولیس کی کارروائی

لاہور (ویب ڈیسک) لاہور کے علاقے اقبال ٹاؤن میں پولیس نے بدفعلی کرنے والے دو ملزمان کو گرفتار کرلیا۔

یہ بھی پڑھیں: کراچی میں اربن فلڈنگ، مون سون اور ہیٹ ویو سے 15 سال میں 3،130 ہلاکتیں

بدفعلی کا واقعہ

نجی ٹی وی ایکسپریس نیوز کے مطابق اقبال ٹاؤن پولیس نے مددگار 15 کال پر فوری کارروائی کرتے ہوئے بدفعلی کرنے والے ملزمان کو گرفتار کیا۔

یہ بھی پڑھیں: پرکھا کا ایمیچور ٹائٹل پر قبضہ، شبیر کی شاندار 65 اسکورنگ، جے اے زمان میموریل گالف بارش کے باوجود جاری

بلیک میلنگ کا کیس

پولیس کے مطابق ملزمان علی عرف ہنی اور باسط نے 16 سالہ عبدالرحمان کے ساتھ بدفعلی کی اور اس کی ویڈیو بناکر اُسے بلیک میل کیا تھا۔

یہ بھی پڑھیں: وزیراعلیٰ مریم نواز کا سینئر سیاستدان زعیم قادری کے انتقال پر اظہار افسوس

خود کشی کی کوشش

ایس پی ڈاکٹر محمد عمر نے کہا کہ ملزم باسط کی بچے سے غلط کاری کی اور علی اس سارے عمل کی ویڈیو بناتا رہا، جس کی وجہ سے بچے نے اس سے دلبرداشتہ اور پریشان ہو کر خود کشی کی نیت سے زہریلی گولیاں کھا لیں۔

یہ بھی پڑھیں: امارات نے ایک ماہ کے لیے 2 ارب ڈالر قرض رول اوور کر دیا

کامیاب کارروائی

انہوں نے بتایا کہ اقبال ٹاؤن پولیس نے بروقت بچے کو اسپتال منتقل کر کے جان بچائی جبکہ پولیس نے ملزمان کو ایک گھنٹے کے اندر گرفتار کرکے مقدمہ درج کرلیا۔

ایس پی کی شاباش

ایس پی اقبال ٹاؤن نے بروقت کارروائی پر ایس ایچ او اقبال ٹاؤن عامر شہزاد اور پولیس ٹیم کو شاباش دیتے ہوئے کہا کہ بچوں اور عورتوں سے زیادتی کرنے والے کسی رعایت کے مستحق نہیں ہیں۔