پاکستان نے بھارت کے ساتھ معرکے کو ’معرکہ حق‘ کا نام دیدیا، تفصیلات جاری

آپریشن بنیان مرصوص کی تکمیل کا اعلان

راولپنڈی (ڈیلی پاکستان آن لائن) پاکستان کی جانب سے آپریشن بنیان مرصوص کی تکمیل کا اعلان کرتے ہوئے بھارت کے ساتھ 22 اپریل سے 10 مئی تک کے معرکے کو ’معرکہ حق‘ کا نام دے دیا گیا۔

یہ بھی پڑھیں: ٹرمپ اور شی جن پنگ کے محبت بھرے تعلقات اور تنازعات: ٹرمپ کا دوسرا دور چین کے لیے کس طرح کا ہوگا؟

آئی ایس پی آر کی معلومات

نجی ٹی وی جیو نیوز کے مطابق آئی ایس پی آر کی جانب سے کہا گیا ہے کہ 10 مئی کی کارروائیاں آپریشن بنیان المرصوص کا حصہ تھیں۔ پاک فوج کی جانب سے ’معرکہ حق‘ 22 اپریل سے 10 مئی 2025 کی تفصیلات بھی جاری کردی گئی ہیں۔

یہ بھی پڑھیں: پی ٹی آئی کے 20 رہنماؤں کے وارنٹ گرفتاری جاری کرنے کا فیصلہ، نام سامنے آگئے

بھارتی فوج کے حملے

آئی ایس پی آر کے مطابق آپریشن بنیان المرصوص عسکری تنازع ’معرکہ حق’ کے تحت بھارتی فوج کے بزدلانہ حملوں کے ردعمل میں کیا گیا۔ بھارت کی جانب سے حملے 6 اور 7 مئی 2025 کی شب شروع ہوئے تھے، جن کے نتیجے میں معصوم شہریوں، خواتین، بچوں اور بزرگوں کی جانیں ضائع ہوئیں۔

یہ بھی پڑھیں: حملے میں متعدد کمانڈر اور سائنسدان شہید ہوئے، اسرائیل کو سخت جواب ملے گا : آیت اللہ خامنہ ای

پاکستان کی مسلح افواج کا عزم

آئی ایس پی آر کا کہنا ہے کہ پاکستان نے بھارتی فوجی جارحیت اور ہمارے شہریوں کے بے رحمانہ قتل کے خلاف انصاف اور بدلہ لینے کا عزم کیا تھا۔ الحمدللہ پاکستان کی مسلح افواج نے اپنے عوام سے کیا گیا وعدہ پورا کیا۔

یہ بھی پڑھیں: سرکاری ملازمین کو احتجاج کی اجازت نہیں، نیا حکمنامہ جاری

اللہ کی مدد کا اعتراف

آئی ایس پی آر کے بیان میں کہا گیا ہے کہ اللہ تعالیٰ نے مومنین کو حکم دیا ہے کہ جب اُن پر ظلم کیا جائے تو وہ اس کا مقابلہ کریں۔ ہم اللہ کے حضور انتہائی عاجزی کے ساتھ سجدہ ریز ہیں۔

یہ بھی پڑھیں: 26ویں آئینی ترمیم سے انصاف کے حصول میں تیزی آئے گی، ملک احمد خان

کارروائی کے نتائج

آئی ایس پی آر کی جانب سے کہا گیا کہ پاکستانی مسلح افواج نے 26 بھارتی فوجی اہداف کو کامیابی سے نشانہ بنایا۔ جمعہ ہونے والی کارروائیاں بھارتی فوجی قوت کی طاقت کو ختم کرنے کا سبب بنی۔

یہ بھی پڑھیں: کراچی: 28 اپریل سے شروع ہونے والے انٹرمیڈیٹ کے امتحانات موخر

فضائیہ اور ایوی ایشن کی کارکردگی

پاک فضائیہ کے درست نشانہ لگانے والے ہتھیاروں کے استعمال سے مقبوضہ جموں و کشمیر اور بھارت کے مختلف علاقوں میں بھاری نقصان پہنچایا گیا۔

یہ بھی پڑھیں: کے پی ہاوس اسلام آباد سے وزیراعلیٰ علی امین کا انتہائی قیمتی سامان غائب

سیبر آپریشنز

آئی ایس پی آر کے مطابق پاکستان کی مسلح افواج نے جامع اور مؤثر سائبر آپریشنز بھی انجام دیے، جو بھارتی فوج کے آپریشنز کو مفلوج کرنے میں اہم ثابت ہوئے۔

یہ بھی پڑھیں: وزیراعظم کی زیرصدارت قومی اقتصادی کونسل اجلاس کی اندرونی کہانی سامنے آگئی

بہادروں کی قربانی

آئی ایس پی آر کے بیان میں کہا گیا کہ وہ شہدا کے لواحقین اور خاندانوں کے ساتھ ہیں جنہوں نے وطن کے لئے اپنی جانوں کا نذرانہ پیش کیا۔

یہ بھی پڑھیں: مریم نواز خود کو اور پاپا کو زبردستی ہیرو بنانے کی ناکام کوشش کر رہی ہیں: بیرسٹر سیف

قوم کی حمایت

مسلح افواج اپنی قوم کی تہہ دل سے شکر گزار ہیں، اور یہ عزم کیا ہے کہ جب بھی پاکستان کی خودمختاری کو خطرہ ہوا تو پاکستان کا جواب فیصلہ کن ہوگا۔

عالمی فورمز پر نمائندگی

آئی ایس پی آر کی جانب سے سفارتی عملے کی کوششوں کی بھی ستائش کی گئی ہے، جنہوں نے عالمی فورمز پر پاکستان کے موقف کی مؤثر نمائندگی کی۔