بھارتی ڈرون حملے میں شہید ہونیوالے 8 بہنوں کے اکلوتے بھائی کی دردناک کہانی

بھارت کے بزدلانہ حملے

راولپنڈی ،لاہور (ڈیلی پاکستان آن لائن )6 اور 7 مئی 2025 کی شب شروع ہونے والے بھارت کے بزدلانہ حملوں کے نتیجے میں کئی معصوم شہریوں، خواتین، بچوں اور بزرگوں کی جانیں ضائع ہوئیں۔

یہ بھی پڑھیں: طلاق کی کارروائی پر ناراض شخص نے ایسی چیز سسرال پارسل کر دی کہ جان کر ہی پیسنے چھوٹ جائیں

حیدر علی کی شہادت

ان شہیدوں میں لاہور کے علاقے کوٹ لکھپت کا 20 سالہ چپس فروش حیدر علی بھی شامل تھا جس کی شہادت نے کئی آنکھوں کو نم کردیا۔

یہ بھی پڑھیں: سیلینا گومز نے منگنی کرلی

دن کی تفصیلات

اردو نیوز میں شائع رپورٹ کے مطابق حیدر علی پی ایس ایل میچ کے دوران راولپنڈی کرکٹ سٹیڈیم کے نزدیک لگائے گئے فوڈ سٹال پر چپس اور دیگر کھانے پینے کی اشیاءفروخت کرتا تھا اور اسے یہ سٹال لگائے صرف 3 روز ہی گزرے تھے کہ بزدل دشمن کے حملے نے حیدر علی کی زندگی کا چراغ ہمیشہ کیلئے بجھا دیا۔

یہ بھی پڑھیں: ٹیسٹ ڈرائیو کے بہانے لاہور کے شہری کی Haval گاڑی چُرا لی گئی، کیسے چکما دیا؟ جانیے اور محفوظ رہیے

حادثے کی رات

7 مئی کی شب حیدر علی پنڈی سٹیڈیم کے نزدیک واقع فوڈ سٹریٹ میں ایک ریسٹورنٹ کے شیڈ کے نیچے دوسرے مزدوروں کے ساتھ سورہا تھا، صبح 10 بجے کے قریب بھارت کی جانب سے داغے گئے ڈرون حملے نے حیدر علی کی جان لے لی۔

یہ بھی پڑھیں: شاپور جی سکلت: بھارت کے ایک امیر خاندان کے سیاستدان جنہوں نے اپنے نام کے ساتھ ‘ٹاٹا’ نہیں لگایا

حملے کے اثرات

رپورٹ کے مطابق ڈرون حیدر علی سے آٹکرایا جس کے بعد دھماکا ہوا اور ریسٹورنٹ کے شیشوں سمیت شیڈ بھی گرگیا ، حملے کے دوران حیدر علی سمیت دیگر شہریوں کو شدید چوٹیں آئیں تاہم حیدر زخموں کی تاب نہ لاتے ہوئے بینظیر بھٹو شہید ہسپتال میں دم توڑ گیا۔

خاندان کا درد

حیدر علی کے چچا زاد بھائی نے اردو نیوز کو بتایا کہ ’حیدر اپنے گھر کا واحد کفیل تھا جو چند روز پہلے ہی روزگار کی امید میں راولپنڈی گیا تھا لیکن اس کی میت اس کے آبائی شہر پہنچائی گئی جہاں اسے سپرد خاک بھی کیاجاچکا ہے‘۔