ڈومیسٹک کرکٹ کی مینٹور شپ سے 2 ہفتے قبل خود استعفیٰ دیا: شعیب ملک

شعیب ملک کا پی سی بی سے استعفیٰ

لاہور (ڈیلی پاکستان آن لائن) پاکستان کرکٹ ٹیم کے سابق کپتان شعیب ملک نے پی سی بی کے مینٹور کی حیثیت سے استعفیٰ کی تصدیق کر دی ہے۔ انہوں نے کہا کہ انہوں نے ڈومیسٹک کرکٹ کی مینٹور شپ سے خود استعفیٰ دیا ہے۔

یہ بھی پڑھیں: احتجاج کی کال دے کر پی ٹی آئی بڑی غلطی کررہی ہے، رانا ثنا اللہ کا بیان

مینٹورز کی برطرفی

نجی ٹی وی جیو نیوز کے مطابق منگل کے روز یہ خبر سامنے آئی کہ پاکستان کرکٹ بورڈ سے مینٹورز کو فارغ کرنے کا فیصلہ کیا گیا ہے۔ ذرائع نے بتایا کہ چیئرمین پی سی بی محسن نقوی نے اہم اجلاس میں مینٹورز کی کارگردگی کا جائزہ لیا اور اس عہدے سے فارغ کرنے کا فیصلہ کیا۔

یہ بھی پڑھیں: بشریٰ بی بی کو کوئی چھوڑ کر نہیں گیا، ان سمیت سب بھاگے تھے: خواجہ آصف

برطرف ہونے والے مینٹورز

ذرائع کا بتانا ہے کہ مینٹورز وقار یونس، شعیب ملک، ثقلین مشتاق، مصباح الحق اور سرفراز احمد کو فارغ کردیا گیا ہے۔ اس کے علاوہ مصباح الحق اور سرفراز احمد کو پی سی بی میں اہم ذمہ داری دی جائیں گی۔

یہ بھی پڑھیں: مزہ تو تب ہے، جب حب الوطنی کا مظاہرہ دشمنوں کے سامنے کیا جائے، پاکستانی وکلاء اور صحافیوں کا وفد کانپور بار ایسوسی ایشن کی دعوت پر انڈیا گیا۔

شعیب ملک کا بیان

انسٹاگرام پر جاری اپنے بیان میں سابق کپتان نے کرکٹ فینز سمیت چیئرمین پی سی بی کا شکریہ ادا کیا اور بتایا کہ دو ہفتے قبل انہوں نے خود تحریری طور پر پی سی بی کو استعفیٰ دے دیا تھا۔

استعفیٰ دینے کی وجہ

شعیب ملک نے بتایا کہ یہ آسان فیصلہ نہیں تھا لیکن ذاتی کمٹ منٹس اور ذمہ داریوں کی وجہ سے مینٹور کا عہدہ جاری رکھنا مشکل تھا۔ میں اپنا کام اچھے سے سرانجام نہیں دے پارہا تھا جس کی وجہ سے میں نے استعفیٰ دینے کا فیصلہ کیا۔ انہوں نے کہا کہ میرے مطابق یہ ہی اس فیصلہ کا درست وقت ہے۔