عمران خان سے تینوں بہنوں کی ملاقات

عمران خان کی بہنوں کی ملاقات

راولپنڈی(ڈیلی پاکستان آ ن لائن) پی ٹی آئی کے بانی عمران خان سے ان کی تینوں بہنوں کی راولپنڈی کی اڈیالہ جیل میں ملاقات ہوگئی۔ جن بہنوں نے ملاقات کی وہ علیمہ خان، نورین خان اور عظمیٰ خان ہیں۔

یہ بھی پڑھیں: جس دن یہ باور کرایا گیا کہ این آئی آر سی کی چیئرمین شپ بطور ازالہ دی گئی تو اسی لمحے استعفی دے دیا ، جسٹس ریٹائرڈ شوکت عزیز صدیقی

ملاقات کی تفصیلات

واضح رہے کہ آج پاکستان تحریکِ انصاف (پی ٹی آئی) کے بانی عمران خان کی تینوں بہنوں کو ان سے ملاقات کی اجازت مل گئی تھی۔

اڈیالہ جیل کی انتظامیہ نے علیمہ خان، نورین خان اور عظمیٰ خان کو ملاقات کے لیے پیغام بھجوایا تھا، جس کے بعد وہ اپنے بھائی سے ملنے اڈیالہ جیل پہنچی تھیں۔

یہ بھی پڑھیں: بیٹے پر مبینہ پولیس تشدد اور رشوت کا مطالبہ، والد ٹرین کے سامنے کود گیا

وکلاء اور دیگر افراد کی موجودگی

بانیٔ پی ٹی آئی کے وکیل سلمان صفدر اور ظہیر عباس چوہدری بھی ملاقات کی اجازت ملنے کے بعد جیل کے اندر گئے تھے۔ بشریٰ بی بی کی بھابی مہرالنساء کو بھی عمران خان سے ملاقات کی اجازت ملی تھی۔

سیکیورٹی کے انتظامات

اس موقع پر اڈیالہ جیل کے اطراف سیکیورٹی بہت سخت تھی اور پولیس کی اضافی نفری تعینات کی گئی تھی۔ جیل آنے جانے والے راستوں پر پولیس نے ناکے لگا دیے تھے۔ پولیس نے ناکے داہگل اور گورکھپور کے مقام پر لگائے اور جیل کی طرف جانے والی گاڑیوں کو چیکنگ کے بعد جانے دیا۔