جنگ کیسے رکوائی؟ ٹرمپ نے سعودی عوام کو بھی بتا دیا

پاک بھارت جنگ رکوانے کی کوششیں

ریاض (ڈیلی پاکستان آن لائن) امریکی صدر ڈونلڈ ٹرمپ نے پاک بھارت جنگ رکوانے کے پیچھے ہونے والی کوششوں کے بارے میں سعودی عوام کو آگاہ کیا۔

یہ بھی پڑھیں: کابینہ کمیٹی کا بہاولپور میں اہم اجلاس، امن کمیٹی اور علمائے کرام سے ملاقات، 151 افراد فورتھ شیڈول میں شامل

سعودی عرب میں تقریر

سعودی عرب کے دورے پر موجود امریکی صدر نے ایک تقریب سے خطاب کرتے ہوئے کہا کہ چند دن پہلے میری ایڈمنسٹریشن نے تاریخی قدم اٹھاتے ہوئے پاکستان اور بھارت میں سیز فائر کرایا تاکہ دونوں ملکوں کے درمیان جاری جارحیت کو روکا جا سکے۔

یہ بھی پڑھیں: اسلام آباد یونائیٹڈ کے بیٹر کولن منرو نے پی ایس ایل میں نیا ریکارڈ قائم کر دیا

تجارت کا استعمال

انہوں نے کہا کہ میں نے دونوں ملکوں کو راضی کرنے کے لیے تجارت کا استعمال کیا اور انہیں کہا کہ 'چلو ایک ڈیل کرتے ہیں، دونوں ملک ایٹم بم کی تجارت نہ کریں بلکہ میں ان کے ساتھ اچھی چیزوں کی تجارت کروں گا۔'

یہ بھی پڑھیں: امریکہ بار بار پاکستان کی تعریفیں کیوں کر رہاہے؟ اعزاز سید کا وی لاگ میں انکشاف

سعودی ولی عہد کا ردعمل

ڈونلڈ ٹرمپ کے اس بیان کے دوران سعودی ولی عہد شہزادہ محمد بن سلمان نے بھی تالیاں بجائیں۔

لیڈرز کی حکمت عملی

ڈونلڈ ٹرمپ نے مزید کہا کہ دونوں ملکوں کے لیڈرز بہت طاقتور اور عقلمند ہیں اور پھر جارحیت ختم ہو گئی۔ اس معاملے میں جے ڈی وینس اور مارکو روبیو نے بہت اہم کردار ادا کیا۔