1 مئی جلاؤ گھیراؤ مقدمات؛ شاہ محمود قریشی ذاتی حیثیت میں طلب

لاہور میں شاہ محمود قریشی کے مقدمات

لاہور (ڈیلی پاکستان آن لائن) سابق وزیرخارجہ شاہ محمود قریشی کے نو مئی جلاؤ گھیراؤ کے آٹھ مقدمات میں پراسیکیوشن سے دلائل اور ریکارڈ طلب کر لیا گیا۔

یہ بھی پڑھیں: مظفرآباد سے تاؤ بٹ تک ٹریفک بحال

عدالت کا سماعت کا عمل

نجی ٹی وی سما نیوز کے مطابق لاہور انسداد دہشت گردی عدالت کے جج منظر علی گل نے ضمانت کی درخواستوں پر سماعت کی۔ دوران سماعت پراسیکیوشن نے مقدمات کا ریکارڈ عدالت میں پیش نہ کیا۔ پراسیکیوٹر نے بتایا کہ شاہ محمود قریشی کی ضمانتوں کا علم نہیں تھا، جیل ٹرائل میں مصروفیات کے باعث یہ بات جان نہ پائے۔

یہ بھی پڑھیں: دبئی ورلڈ ٹریڈ سینٹر میں مڈل ایسٹ انرجی 2025 کے 49 ویں ایڈیشن کا انعقاد، پاکستان کے سفیر فیصل نیاز ترمذی نے پاکستان پویلین کا افتتاح کردیا

پراسیکیوشن کی استدعا

پراسیکیوٹر نے استدعا کی کہ عدالت ریکارڈ اور دلائل فراہم کرنے کی مہلت فراہم کرے۔ دوسری جانب شاہ محمود قریشی کے وکیل نے کہا کہ ہم دلائل کے لئے تیار ہیں، تاہم پراسیکیوشن تاخیری حربے استعمال کر رہی ہے۔

عدالت کے فیصلے

بعدازاں عدالت نے دو مقدمات میں شاہ محمود قریشی کو ذاتی حیثیت میں آئندہ سماعت پر طلب کر لیا۔ سماعت سولہ جون تک ملتوی کر دی گئی جبکہ چھ مقدمات میں سماعت 26 مئی تک ملتوی کی گئی۔