2 جون کو بجٹ پیش کرنے کا فیصلہ لیکن تنخواہوں میں کتنا اضافہ متوقع ہے؟ سرکاری ملازمین کیلئے خوشخبری آگئی۔

بجٹ 2025/26 کی تیاریاں

اسلام آباد (ویب ڈیسک) حکومت پاکستان اور وزارت خزانہ نے بجٹ 2025/26 کی تیاریاں شروع کر دی ہیں اور 2 جون کو بجٹ پیش کرنے کا اعلان کیا جا چکا ہے۔

یہ بھی پڑھیں: مارگلہ ہلز نیشنل پارک توہین عدالت کیس؛ سپریم کورٹ نے سول جج کے حکم امتناع پر مالک کے خلاف نوٹس واپس لے لیا

ملازمین کے لیے ریلیف کی کوششیں

ایسے میں یہ خبریں سامنے آئی ہیں کہ وفاقی حکومت ملازمین کو ریلیف دینے کی کوشش کر رہی ہے، اور اس سلسلے میں ملازمین کی تنخواہوں میں 25 فیصد تک اضافے کی تجویز پر غور کیا جا رہا ہے۔

یہ بھی پڑھیں: میں بھی بشریٰ بی بی اور عمران خان کے ساتھ سعودی عرب گیا تھا وہاں پر۔۔ مولانا طاہر اشرفی نے بڑا انکشاف کر دیا

متوقع تنخواہوں میں اضافہ

ذرائع نے بتایا کہ گریڈ 1 سے 16 تک کے سرکاری ملازمین کی تنخواہوں میں 25 فیصد اضافہ متوقع ہے، جبکہ گریڈ 17 سے 22 تک 20 فیصد اضافہ ہونے کا امکان ہے۔ یاد رہے کہ حکومت پہلے ہی آئندہ بجٹ میں تنخواہ دار طبقے کو ٹیکس ریلیف دینے کا عندیہ دے چکی ہے۔

حکومت کی جانب سے تنخواہ دار طبقے کے لیے مختلف سلیبس میں انکم ٹیکس میں 10 فیصد کمی کا امکان ہے۔ اگر یہ تجویز منظور ہو جاتی ہے تو تنخواہ دار طبقے کو اگلے مالی سال میں تقریباً 50 ارب روپے کا ریلیف ملے گا، تاہم حتمی فیصلہ آئی ایم ایف کے ساتھ مذاکرات کے بعد کیا جائے گا، جو 14 سے 22 مئی 2025 تک ہونے والے ہیں۔

گزشتہ بجٹ کا جائزہ

گزشتہ بجٹ 2024-25 میں گریڈ 1 سے 16 تک کے سرکاری ملازمین کی تنخواہوں میں 25 فیصد اور گریڈ 17 سے 22 تک 20 فیصد اضافے کی منظوری دی گئی تھی۔ مزید برآں، ریٹائرڈ سرکاری ملازمین کی پنشن میں پندرہ فیصد اضافہ کیا گیا ہے، جبکہ کم از کم اجرت 32 ہزار روپے سے بڑھا کر 37 ہزار روپے کر دی گئی ہے۔