ایک اور بھارتی شخص پاکستان کی حمایت میں فیس بک پوسٹ کرنے پر گرفتار

پاکستان کی حمایت میں فیس بک پوسٹ، بھارتی قصائی کو تشدد کا نشانہ بنایا گیا

نئی دہلی (ڈیلی پاکستان آن لائن) پاکستان کی حمایت میں فیس بک پوسٹ کرنے والے بھارتی قصائی رضوان کو شدت پسند ہندووں نے بد ترین تشدد کا نشانہ بنا دیا جس کے بعد مقامی پولیس نے رضوان کو گرفتار کرلیا۔

یہ بھی پڑھیں: قومی ایئرلائن کی لاہور سے باکو کے لیے پروازوں کا آغاز، پہلی پرواز میں کتنے مسافروں نے سفر کیا؟ پتہ چل گیا

واقعہ کی تفصیلات

بھارتی میڈیا رپورٹ کے مطابق باراسات، مغربی بنگال میں ایک قصائی، رضوان، جو سوشل میڈیا پر جاری پاکستان-بھارت کشیدگی کے دوران کھل کر پاکستان کی حمایت کر رہا تھا، مقامی افراد کے شدید غصے کا شکار بن گیا۔ اطلاعات کے مطابق رضوان کو مقامی افراد نے شدید تشدد کا نشانہ بنایا۔

یہ بھی پڑھیں: 4 ماہ کے دوران ایک ارب 72 کروڑ کی بیرونی امداد ملی ، اقتصادی امور ڈویژن

پولیس کی کارروائی

پولیس نے موقع پر پہنچ کر رضوان کو حراست میں لے لیا اور "ملک دشمن پوسٹس" کے الزام میں مقدمہ درج کر لیا۔ رضوان نے فیس بک پر ایک تصویر شیئر کی تھی جس میں نریندر مودی کو پاکستانی وزیر اعظم کے آگے جھکا ہوا دکھایا گیا تھا۔ پولیس کے مطابق، رضوان کی فیس بک سرگرمیوں کی جانچ کی جا رہی ہے اور سائبر سیل اس معاملے میں مزید تحقیقات کر رہا ہے۔

پچھلے واقعات

واضح رہے اس سے قبل بھارتی پنجاب کے علاقے کوٹلہ سے پاکستان کی جاسوسی کے الزام میں دو بھارتی شہریوں کو گرفتار کیا گیا تھا۔