جاوید اختر نے پاک بھارت کشیدگی پر بات کرنے سے انکار کردیا

جاوید اختر کا پاکستان اور بھارت کے درمیان کشیدگی پر خاموشی

ممبئی (ڈیلی پاکستان آن لائن) پاک فوج کی بھارت کے خلاف 'معرکہ حق' کی کامیاب کارروائیوں کے بعد بھارتی نغمہ نگار و لکھاری جاوید اختر نے پاکستان اور بھارت کے درمیان جاری کشیدگی پر بات کرنے سے انکار کردیا۔ جاوید اختر نے اس سے قبل پاکستان مخالف بیانات دیتے سنائی دیے، انہوں نے 22 اپریل میں مقبوضہ کشمیر کے علاقے پہلگام میں ہونے والے واقعے کے بعد پاکستانی فنکاروں پر بھارت میں پابندی کے حق میں بیان بھی دیا تھا۔

یہ بھی پڑھیں: مون سون بارشوں کے دوسرے سپیل کا الرٹ جاری

ایک طرفہ ٹریفک کا ذکر

جاوید اختر کا کہنا تھا کہ پاکستان اور بھارت میں فنکاروں کا کام کرنا یک طرفہ ٹریفک کی مانند ہے، پاکستانی ہمیشہ بھارت میں کام کرنے آتے ہیں، جب کہ بھارتی وہاں کام کرنے کے لیے نہیں جاتے۔ انہوں نے مبہم انداز میں پاکستان پر دہشت گردی کے الزامات بھی لگائے، لیکن اب پاک فوج کی بھارتی خلاف کامیاب کارروائیوں کے بعد ان کی بولتی بند ہوگئی ہے۔

یہ بھی پڑھیں: انڈس واٹر کمیشن متحرک، وزارت خارجہ، وزارت آبی وسائل اور آبی ماہرین پر مشتمل تھنک ٹینک تشکیل دینے کا فیصلہ۔

تقریب میں صحافیوں کا سوال

جاوید اختر نے ممبئی میں ایک تقریب میں شرکت کی، جس کے بعد صحافیوں نے ان سے پاکستان اور بھارت کے درمیان جاری کشیدگی پر بات کرنے کی درخواست کی۔ لیکن جاوید اختر نے بھارت کے خلاف پاک فوج کی کارروائیوں کے سوال پر بات کرنے سے انکار کردیا اور معذرت کی کہ وہ اس پر ابھی بات نہیں کرنا چاہتے۔

یہ بھی پڑھیں: ایف بی آر کے اضافی اختیارات: حکومت و بزنس کمیونٹی میں اہم مذاکرات آج ہونگے

ویڈیو وائرل ہونے کا واقعہ

تقریب کے بعد صحافیوں کے ساتھ جاوید اختر کی بات چیت کی ویڈیو وائرل ہوگئی، جس میں وہ صحافیوں کی جانب سے سوالات پر برہم دکھائی دیے اور انہوں نے صحافیوں کو جھاڑ بھی پلائی۔ جاوید اختر نے کہا کہ انہوں نے پاک-بھارت کشیدگی پر بہت بات کر لی ہے اور اب وہ اس سے ہی بات کریں گے جو ان سے پہلے وقت مانگ کر ان کا انٹرویو کرنے آئے گا۔

یہ بھی پڑھیں: دنیا کی معمر ترین شخصیت 115 سالہ خاتون نے طویل زندگی کا آسان راز بتا دیا

صحافیوں کا اصرار اور جاوید اختر کا ردعمل

انہوں نے کہا کہ جو بھی پاک-بھارت پر بات کرنا چاہتا ہے، وہ ان کے گھر آئے، وہ ضرور بات کریں گے لیکن اس وقت وہ مذکورہ معاملے پر بات نہیں کر سکتے۔ جاوید اختر کے انکار کے باوجود صحافی انہیں اپیل کرتے رہے کہ وہ چند الفاظ بول دیں، جس پر انہیں غصہ آ گیا اور انہوں نے صحافیوں کو جھاڑ پلائی۔ جاوید اختر نے صحافیوں کو ڈانٹتے ہوئے کہا کہ آپ لوگ چاہتے ہیں کہ میں آپ کے ساتھ نامناسب رویہ اختیار کروں۔

اختتام

جاوید اختر کی ڈانٹ پلانے کے بعد صحافی خاموش ہوگئے اور نغمہ نگار وہاں سے چلے گئے۔

واٹس ایپ چینل