مرغی کی قیمت میں بڑا اضافہ ہو گیا

مرغی کی قیمتوں میں اضافہ

پشاور(ڈیلی پاکستان آن لائن) پشاور، ملتان اور لاہور میں مرغی کی قیمت میں بڑا اضافہ ہو گیا۔

یہ بھی پڑھیں: رجب بٹ کی ازدواجی زندگی بھی مشکلات کا شکار، دو ٹوک اعلان کردیا

پشاور میں قیمتوں کی صورتحال

نجی ٹی وی چینل ہم نیوز کے مطابق پشاور میں مرغی کے فی کلو نرخ میں ایک ہفتے میں 65 روپے کا اضافہ ہوا، سرکاری نرخنامے میں زندہ مرغی کے نرخ 420 روپے سے بڑھ کر 485 ہو گئے ہیں۔

یہ بھی پڑھیں: سندھ ہائیکورٹ؛ کلفٹن کنٹونمنٹ کے علاقے میں مرغیاں پالنے کیخلاف درخواست پر سی بی سی سے تفصیلی رپورٹ طلب

لاہور میں قیمتوں کا جائزہ

لاہور میں زندہ برائلر مرغی کی قیمت میں تین روپے کا اضافہ ہوا ہے جبکہ انڈوں کی فی درجن قیمت ایک روپے بڑھ گئی ہے۔

لاہور میں زندہ برائلر مرغی کا تھوک ریٹ 397 روپے کلو جبکہ پرچون ریٹ 411 روپے مقرر کیا گیا ہے۔لاہور میں فی درجن انڈوں کی قیمت 281 روپے مقرر کی گئی ہے۔

یہ بھی پڑھیں: پتوکی میں گلے پر ڈور پھرنے سے بچی زخمی

گزشتہ روز کی قیمتوں کا مقابلہ

گزشتہ روز لاہور میں زندہ برائلر مرغی کا تھوک ریٹ 394 روپے جبکہ پرچون ریٹ 408 روپے تھا، انڈوں کا ریٹ 280 روپے درجن تھا۔

ملتان میں قیمتوں کی تفصیلات

ادھر ملتان میں زندہ برائلر مرغی کا تھوک ریٹ 398 روپے کلو جبکہ زندہ برائلر کا پرچون ریٹ 412 روپے مقرر کیا گیا ہے، انڈے فی درجن 281 روپے میں مل رہے ہیں۔