امریکا نے ایران پر نئی پابندیاں عائد کردیں

امریکا کی ایران پر نئی پابندیاں

واشنگٹن(ڈیلی پاکستان آن لائن) امریکا نے ایران پر نئی پابندیاں عائد کردی ہیں۔ محکمہ خزانہ کا کہنا ہے کہ پابندیاں ایران کے بیلسٹک میزائل کے لیے پرزے تیار کرنے والی کمپنیوں پر عائد کی گئی ہیں۔

یہ بھی پڑھیں: جوبائیڈن نے ٹرمپ کے عہدہ سنبھالنے سے قبل کونسا کام کرنے کا فیصلہ کر لیا ؟ بڑی خبر

پابندیوں کی تفصیلات

امریکی محکمہ خزانہ نے ایران اور چین کے 6 افراد اور 12 اداروں پر نئی پابندیاں لگائی ہیں۔ ان پابندیوں کا مقصد ایران کو بیلسٹک میزائلوں اور ڈرون کے پرزوں کی فراہمی سے روکنا ہے۔

یہ بھی پڑھیں: سال 2024 میں مجموعی طور پر انٹرنیٹ کی سپیڈ میں 28 فیصد اضافہ ہوا، پی ٹی اے کا دعویٰ

مقصد اور اثرات

امریکی محکمہ خزانہ کے مطابق، یہ پابندیاں ایران کے بیلسٹک میزائل کے لیے پرزے تیار کرنے والی کمپنیوں پر عائد کی گئی ہیں، اور ان کا اطلاق ایرانی میزائل پروگرام کی نگرانی کرنے والے ادارے پر بھی ہوگا۔

ایرانی وزیر خارجہ کا جواب

دوسری جانب ایرانی وزیر خارجہ عباس عراقچی نے ڈونلڈ ٹرمپ کے ایران سے متعلق بیان پر ردعمل دیتے ہوئے کہا کہ صدر ٹرمپ کے ایران مخالف ریمارکس فریب کے سوا کچھ نہیں ہیں۔ انہوں نے یہ بھی کہا کہ امریکا وہ ملک ہے جس نے ایران کی ترقی میں رکاوٹ ڈالی ہے، اور اس نے اسرائیلی جنگی جرائم پر آنکھیں بند کر رکھی ہیں۔