پراپرٹی پر کیپیٹل گین ٹیکس کی شرح میں 25 فیصد تک اضافہ متوقع

نئے بجٹ میں کیپیٹل گین ٹیکس میں اضافہ

اسلام آباد(ڈیلی پاکستان آن لائن) آئی ایم ایف کے مطالبے پر نئے بجٹ میں پراپرٹی پر کیپیٹل گین ٹیکس بڑھانے کی تجویز سامنے آئی ہے۔ پراپرٹی کی فروخت پر کیپیٹل گین ٹیکس کی شرح میں 25 فیصد اضافہ متوقع ہے۔ کیپیٹل گین ٹیکس کو کارپورٹ سیکٹر کیلئے عائد انکم ٹیکس کے مساوی کرنے کی تجویز دی گئی ہے۔

یہ بھی پڑھیں: لاہور میں موسمی تبدیلیوں کے باعث فضائی معیار عارضی طور پر متاثر، عوام کچرا جلانے سے اجتناب کریں : مریم اورنگزیب

آئی ایم ایف کے ساتھ مذاکرات

نجی ٹی وی سما نیوز کے مطابق بجٹ 2025-26ء پر آئی ایم ایف کے ساتھ بجٹ تجاویز پر مشاورت کا عمل گزشتہ روز شروع ہوا۔ وزارت خزانہ اور ایف بی آر کے درمیان ورچوئلی مذاکرات آج بھی جاری رہیں گے، جس میں مختلف تجاویز پر غور کیا جائے گا۔

یہ بھی پڑھیں: پاک بحریہ کے لیے مقامی طور پر تیار کردہ پی این ایس ساہیوال گن بوٹ کی لانچنگ تقریب، وائس ایڈمرل اویس احمد بلگرامی کی بطور مہمان خصوصی شرکت

کیپیٹل گین ٹیکس کی نئی تجاویز

آئی ایم ایف کے مطالبے کے تحت نئے بجٹ میں پراپرٹی پر کیپیٹل گین ٹیکس میں مزید 25 فیصد اضافہ متوقع ہے، جو کہ 15 فیصد سے بڑھاکر 40 فیصد تک ہو سکتا ہے۔

یہ بھی پڑھیں: ایران میں 8 پاکستانیوں کے قتل پر دفتر خارجہ کا ردعمل سامنے آ گیا

ریئل اسٹیٹ میں ٹیکس کی ضرورت

ذرائع کے مطابق، کیپیٹل گین ٹیکس کو کارپورٹ سیکٹر کے انکم ٹیکس کے مساوی کرنے کی تجویز سامنے ہے، کیوں کہ پراپرٹی کی خریدوفروخت پر لاکھوں روپے منافع ہونے کے باوجود کم شرح کے مطابق ٹیکس وصولی کی جا رہی ہے۔ ریئل اسٹیٹ میں کیپیٹل گین ٹیکس بڑھانے کی ضرورت محسوس کی جا رہی ہے۔

یہ بھی پڑھیں: اسلام آباد سمیت ملک کے مختلف علاقوں میں بارش کی پیشگوئی

مخالف اثرات

ذرائع ایف بی آر نے بتایا ہے کہ کیپیٹل گین ٹیکس میں اضافہ ہونے سے ٹرانزکشنز میں کمی کا خدشہ ہے۔ آمدن اور اخراجات پر آئی ایم ایف وفد سے ورچوئلی مذاکرات جاری ہیں۔