دو سال سے ملزم جیل میں ہے، عدالت 727 دن بعد تفتیش کی اجازت نہ دے، وکیل سلمان صفدر

لاہور ہائیکورٹ میں سماعت

لاہور(ڈیلی پاکستان آن لائن) لاہور ہائیکورٹ میں بانی پی ٹی آئی کی 8 مقدمات میں ضمانت کی درخواستوں پر سماعت کے دوران وکیل سلمان صفدر نے کہاکہ دو سال سے ملزم جیل میں ہے۔ 727 دن کے بعد انہوں نے تفتیش کیلئے درخواست دائر کی، اس سے پہلے بھی یہی تفتیش مکمل کی جا سکتی تھی، یہ چاہتے ہیں کہ ثبوت اور شواہد بنائے جائیں، عدالت انہیں اس کی اجازت نہ دے اور ضمانت منظور کرے۔

یہ بھی پڑھیں: لاہور ہائیکورٹ نے سزائے موت کے ملزم کو بری کردیا

تفتیش کے حوالے سے پراسیکیوٹر کا موقف

نجی ٹی وی چینل جیو نیوز کے مطابق لاہور ہائیکورٹ میں بانی پی ٹی آئی کی 8 مقدمات میں ضمانت کی درخواستوں پر سماعت ہوئی، جسٹس شہباز رضوی کی سربراہی میں دو رکنی بنچ نے سماعت کی۔ پراسیکیوٹر نے کہا کہ بانی پی ٹی آئی سے تفتیش کیلئے انسداد دہشتگردی عدالت میں درخواست دائر کی گئی، بانی پی ٹی آئی کے فوٹو گرامیٹک اور پولی گرافک ٹیسٹ کروانے کی استدعا کی گئی، ماتحت عدالت نے درخواست منظور کرلی۔ عدالت اس تفتیش کے مکمل ہونے تک مہلت دے۔

وکیل کا بیان

بانی پی ٹی آئی کے وکیل سلمان صفدر نے کہا کہ دو سال سے ملزم جیل میں ہے۔ 727 دن کے بعد انہوں نے تفتیش کیلئے درخواست دائر کی، اس سے پہلے بھی یہی تفتیش مکمل کی جا سکتی تھی۔ یہ چاہتے ہیں کہ ثبوت اور شواہد بنائے جائیں، عدالت انہیں اس کی اجازت نہ دے اور ضمانت منظور کرے۔ اس تفتیش کیلئے ملزم کا جیل میں ہونا ضروری نہیں، ان ثبوتوں کی بنیاد پر درخواستیں زیر التوا نہیں رکھی جا سکتیں۔