ورلڈ ٹیسٹ چیمپئن شپ کے فائنل کے لیے ریکارڈ انعامی رقم کا اعلان

انعامی رقم کا اعلان

دبئی(ڈیلی پاکستان آن لائن)آئی سی سی ورلڈٹیسٹ چیمپئن شپ کے فائنل کیلئے ریکارڈ انعامی رقم کا اعلان کر دیا گیا۔

یہ بھی پڑھیں: ریاست مزید نوکریاں نہیں دے سکتی، حکومت کا سرکاری اداروں کی نجکاری کا عندیہ

انعامی رقم کی تفصیلات

نجی ٹی وی چینل جیو نیوز کے مطابق ٹیسٹ چیمپئن شپ فائنل کیلئے 5.76 ملین ڈالرز انعامی رقم رکھی گئی ہے، فاتح ٹیم کو 3.6 ملین ڈالرز ملیں گے، جبکہ گزشتہ ایڈیشنز میں 1.6 ملین ڈالرز ملے تھے۔

یہ بھی پڑھیں: بشریٰ بی بی کے خلاف 190 ملین پاؤنڈز کیس میں اہم پیش رفت

فائنل کا وقت اور جگہ

آئی سی سی نے کہا کہ اس سال انعامی رقم گزشتہ دو ایڈیشن کے مقابلے میں دوگنا ہے۔ آئی سی سی ورلڈ ٹیسٹ چیمپئن شپ کا فائنل 11 جون سے لارڈز میں ہوگا اور یہ آسٹریلیا اور جنوبی افریقہ کے درمیان کھیلا جائے گا۔

یہ بھی پڑھیں: شوہر کو ہنی مون پر قتل کرانے والی دلہن گرفتار، قتل کی وجہ سامنے آگئی

رنرز اپ اور دیگر ٹیموں کے لیے انعامات

آئی سی سی کے مطابق رنرز اپ ٹیم کو 2.16 ملین ڈالرز ملیں گے، اس سے پہلے 8 لاکھ ڈالرز ملے تھے۔ تیسری پوزیشن والی ٹیم بھارت کو 14 لاکھ 40 ہزار ڈالرز ملیں گے۔ ٹیسٹ چیمپئن شپ میں چوتھی پوزیشن کی ٹیم نیوزی لینڈ کو 12 لاکھ ڈالرز ملیں گے۔ پانچویں نمبر پر انگلینڈ کو 9 لاکھ 60 ہزار ڈالرز میں لیں گے، چھٹے نمبر پر سری لنکا کو 8 لاکھ 40 ہزار ڈالر ملیں گے، ساتویں نمبر پر بنگلہ دیش کو 7 لاکھ 20 ہزار اور 8ویں نمبر پر ویسٹ انڈیز کو 6 لاکھ ڈالرز ملیں گے۔