سینیٹ کی قائمہ کمیٹی نے کیپٹو پاور پلانٹس لیوی بل 2025 کی متفقہ طور پر منظوری دیدی

کمیٹی کی منظوری

اسلام آباد(ڈیلی پاکستان آن لائن) سینیٹ کی قائمہ کمیٹی خزانہ نے کیپٹو پاور پلانٹس لیوی بل دوہزارپچیس کی متفقہ طورپرمنظوری دےدی۔

یہ بھی پڑھیں: پاکستان میں پہلی مرتبہ اونٹ کی بریانی بکنے لگی، کراچی کے ریسٹورنٹ پر منفرد کھانے، عوام کا رش لگ گیا

اجلاس کی تفصیلات

نجی ٹی وی سما نیوز کے مطابق سینیٹر انوشہ رحمان کی زیرصدارت سینیٹ کی قائمہ کمیٹی خزانہ کا اجلاس ہوا، کمیٹی نے کیپٹو پاور پلانٹس لیوی بل 2025 کی متفقہ طورپرمنظوری دےدی۔

یہ بھی پڑھیں: بشریٰ بی بی کے بیان میں سعودی عرب کا ذکر تک نہیں، ذلفی بخاری کی وضاحت

حکومتی اقدامات

سیکرٹری پیٹرولیم مومن آغا نےکہا کہ حکومت کیپٹو پاورپلانٹس کوبجلی کے گرڈ پر منتقل کرنا چاہتی ہے، اگر سارے صارفین بجلی استعمال کریں تو کیپسٹی پیمنٹس کوکم کیا جاسکےگا، حکومت نے 5 فیصد لیوی عائد کرنےکی تجویز دی ہے۔

یہ بھی پڑھیں: شمالی وزیرستان ؛ سکواڈ پر حملے میں 5 پولیس اہلکار زخمی، ڈی پی او محفوظ رہے

بل کا مقصد

سیکرٹری پٹرولیم کےمطابق اس بل کا مقصد صنعتی کیپسٹی یوٹیلائزیشن کا بوجھ کم کرنا اور عوام کے لیے بجلی کی قیمتیں کم کرنا ہے۔

عدالتی معاملات

ایڈیشنل سیکرٹری خزانہ نے بتایا کہ کیپٹو پاور پلانٹس بند کرنے کا کہا گیا تھا جس پر کمپنیاں عدالت چلی گئیں، لہٰذا حکومت نے بغیر بند کیے لیوی عائد کرنے کا فیصلہ کیا۔