میری ترجیح تنازعات کا خاتمہ ہے، شروع کرنا نہیں، سمجھتا ہوں پاکستان اور بھارت کا تنازعہ حل ہو گیا، ٹرمپ

ٹرمپ کا تنازعات کے خاتمے کا عزم

دوحہ(ڈیلی پاکستان آن لائن) امریکی صدر ڈونلڈ ٹرمپ نے کہا ہے کہ میری ترجیح تنازعات کا خاتمہ ہے انہیں شروع کرنا نہیں۔ انہوں نے مزید کہا کہ پاکستان اور بھارت کا تنازع حل ہو گیا ہے اور دونوں ممالک کو جنگ کے بجائے تجارت کرنے کا مشورہ دیا ہے۔

یہ بھی پڑھیں: نو منتخب صدر پی ایف ایف سید محسن گیلانی فٹبال کی ترقی کے لیے پرعزم

بھارت کی زیرو ٹیرف ڈیل

امریکی صدر نے قطر کے العدید ایئربیس میں امریکی فوجیوں سے خطاب کرتے ہوئے کہا کہ بھارت نے امریکا کو زیرو ٹیرف ڈیل کی پیشکش کی ہے۔ میں سمجھتا ہوں کہ ہم ایران کے ساتھ ڈیل کرنے کے بہت قریب آ گئے ہیں۔ ہم روس اور یوکرین کے ساتھ اچھا کام کرنے جا رہے ہیں اور مجھے امید ہے کہ روس اور یوکرین کچھ کریں گے۔ اگر مناسب ہوا تو جمعہ کو ترکیے میں روس یوکرین مذاکرات کے لیے جاوں گا۔

یہ بھی پڑھیں: کراچی میں شادی کے روز دولہا لاپتا ہو گیا

غزہ کے لیے نئے منصوبے

ٹرمپ نے مزید کہا کہ میرے پاس غزہ کے لیے بہت اچھے منصوبے ہیں اور امریکا کو چاہئے کہ غزہ کو تحویل میں لے کر وہاں "فریڈم زون" بنا دے۔

یہ بھی پڑھیں: علیمہ خان نے پی ٹی آئی کے 10 ہزار کارکنان کو اڈیالہ پہنچنے کی ہدایت کردی

خلیجی ممالک سے تجارتی معاہدے

امریکی فوجیوں سے خطاب کرتے ہوئے ٹرمپ نے بتایا کہ خلیجی ممالک کے دورے کے دوران 4 کھرب ڈالر تک کے معاہدے ہو سکتے ہیں۔ یہ دورہ ریکارڈ دورہ ہے اور 4 سے 5 روز میں ساڑھے 3 سے 4 کھرب ڈالر تک ڈیل ہو سکتی ہیں۔ ڈونلڈ ٹرمپ نے بتایا کہ امریکا اپنے شرکاء کے دفاع کے لیے طاقت کے استعمال میں نہیں ہچکچائے گا، اور قطر نے امریکا کے ساتھ 42 ارب ڈالر مالیت کے دفاعی معاہدوں پر دستخط کیے ہیں۔

یہ بھی پڑھیں: مرغی کی قیمت میں گراوٹ کا سلسلہ جاری، آج مزید سستی ہوگئی

امریکی فضائیہ کی ترقی

ٹرمپ نے کہا کہ امریکی فضائیہ کے پاس جلد ایف 47 طیارہ ہوگا، اور ہم ایف 35 کے جدید ورژن ایف 55 کے منتظر ہیں۔ انہوں نے یہ بھی کہا کہ ہم افغانستان کی بگرام ایئر بیس رکھیں گے اور اسے کسی کو نہیں دیں گے۔ صدر ٹرمپ نے فوجیوں کو خوشخبری سناتے ہوئے کہاکہ 2026 کے بجٹ میں امریکی سروس ممبران کی تنخواہوں میں خاطر خواہ اضافہ شامل ہے۔