کنول شوذب کی بیرون ملک جانے کی اجازت سے متعلق درخواست مسترد

راولپنڈی میں عدالت کا فیصلہ

راولپنڈی (ڈیلی پاکستان آن لائن) جی ایچ کیو حملہ کیس میں نامزد کنول شوذب کو امریکہ جانے کی اجازت نہ مل سکی۔ عدالت نے پی ٹی آئی رہنماء کی درخواست خارج کر دی۔

یہ بھی پڑھیں: علی ترین کی پی ایس ایل نئی ٹیم کا نام ’’پنڈی بوائز‘‘ رکھنے کی تجویز

درخواست کا پس منظر

نجی ٹی وی سما کے مطابق راولپنڈی کی انسداد دہشت گردی عدالت کے جج امجد علی شاہ نے پی ٹی آئی رہنماء کنول شوذب کی بیرون ملک جانے کی اجازت سے متعلق درخواست پر فیصلہ سنادیا۔ عدالت نے پی ٹی آئی رہنماء کو بیرون ملک جانے سے روک دیا، درخواست مسترد کردی۔

یہ بھی پڑھیں: سال 2026 میں 12 سال سے کم عمر بچوں کو حج پر جانے کی اجازت نہیں ہوگی

مقدمات کی تفصیلات

پراسیکیوٹر جنرل ظہیر شاہ نے عدالت کو بتایا کہ کنول شوذب کے خلاف صرف راولپنڈی میں 9 مئی کے 12 مقدمات درج ہیں، جن میں سے صرف ایک مقدمے میں ان پر فرد جرم عائد ہوئی ہے، جبکہ 11 مقدمات ابھی باقی ہیں۔

یہ بھی پڑھیں: میں پیار سے اسے خرگوش کہتا تھا، دھول بڑھتی ہی جا رہی تھی، فون بج اٹھا،’’اگلی بار آئے تو مجھے بھی ملوانا پیار محبت کی بات اپنے انداز میں کرونگا“

سماعت کے خدشات

پراسیکیوٹر جنرل نے مزید کہا کہ فرد جرم عائد کرنے کیلئے ملزمہ کی حاضری ضروری ہے، اگر ملزمہ بیرون ملک چلی گئی تو ٹرائل میں رکاوٹ پیدا ہوسکتی ہے۔

خاندان کے دیگر افراد

پراسیکیوٹر جنرل نے عدالت کو بتایا کہ فیملی کا کوئی اور فرد امریکہ جاکر بیٹے کی گریجویشن تقریب میں شرکت کرسکتا ہے، جبکہ 9 مئی سے متعلق مقدمات کی سماعت پر سپریم کورٹ کی ڈائریکشن بھی آچکی ہے۔