پاکستان کی امریکہ کو دو طرفہ زیرو ٹیرف تجارتی معاہدے کی پیشکش

پاکستان کی امریکہ کے ساتھ تجارتی معاہدے کی پیشکش

واشنگٹن (ڈیلی پاکستان آن لائن) پاکستان نے امریکہ کو دو طرفہ زیرو ٹیرف تجارتی معاہدے کی پیشکش کردی ہے، جس کی تصدیق سرکاری ذرائع نے کی ہے۔

یہ بھی پڑھیں: وزیراعلیٰ کے دورۂ جاپان کیخلاف شرمناک مہم ملک دشمنی کی بدترین مثال ہے:عظمیٰ بخاری

تجارتی معاہدے کی تفصیلات

روزنامہ جنگ کے مطابق، اعلیٰ سطح کے ذرائع نے اس نئی پالیسی کے بارے میں بتایا کہ پاکستان امریکہ کو منتخب تجارتی اشیاء پر زیرو ٹیرف کی بنیاد پر دو طرفہ معاہدہ کرنے کی پیشکش کر رہا ہے، جس کا مقصد باہمی مفادات کی بنیاد پر دو طرفہ تجارت کو فروغ دینا ہے۔

یہ بھی پڑھیں: پاکستان نے حملے سے ایک رات پہلے کیا کام کیا کہ اگلے دن ایس 400 تباہ کرنا انتہائی آسان ہوگیا؟ بھارت کے سابق پائلٹ کا حیران کن انکشاف

امریکی صدر کی مداخلت

یہ پیشرفت ایسے وقت میں ہوئی ہے جب امریکی صدر ڈونلڈ ٹرمپ نے حال ہی میں پاکستان اور بھارت کے درمیان جنگ بندی کے لئے اہم کردار ادا کیا ہے۔ جنگ بندی کے بعد انہوں نے دونوں ممالک کی قیادت کی تعریف کرتے ہوئے کہا ہے کہ وہ دونوں ممالک کے ساتھ زیادہ تجارت کریں گے۔

یہ بھی پڑھیں: اسلام آباد، راولپنڈی اور لاہور میں پیٹرولیم مصنوعات کی قلت کا خدشہ

بھارتی حملے اور پاکستان کی جواب کارروائی

یہ لڑائی گزشتہ بدھ کو شروع ہوئی جب بھارت نے پہلگام میں ہونے والے حملے کا بے بنیاد جواز بنا کر پاکستان میں حملے کیے۔ پاکستان کی مسلح افواج نے بڑے پیمانے پر جوابی کارروائی کی، جس کا نام آپریشن ب±نیان مرصوص رکھا گیا، جس میں بھارت کے کئی فوجی اہداف کو نشانہ بنایا گیا۔ حکام کے مطابق یہ حملے بھارت کی جارحیت کے جواب میں کیے گئے، جو لائن آف کنٹرول (ایل او سی) اور پاکستانی علاقے میں جاری تھے۔

جنگ بندی کا اعلان

جوہری طاقت کے حامل دونوں حریف ممالک نے تقریباً تین دہائیوں کے بدترین فوجی تصادم کے بعد گزشتہ ہفتے جنگ بندی کا اعلان کیا، جس نے دنیا بھر میں خدشات کو جنم دیا کہ کہیں یہ مکمل جنگ میں تبدیل نہ ہو جائے۔