گندم کے کاشتکاروں کے لیے 1000 مفت ٹریکٹر، فی ایکڑ 5 ہزار کیش گرانٹ سکیم کا آغاز ہو گیا

گندم کے کاشتکاروں کے لیے نئے اقدامات

لاہور (ڈیلی پاکستان آن لائن) تاریخ میں پہلی مرتبہ گندم کے کاشتکاروں کے لیے 1000 مفت ٹریکٹر اور فی ایکڑ 5 ہزار کیش گرانٹ سکیم کا آغاز کر دیا گیا ہے۔

یہ بھی پڑھیں: ہالی وڈ سپرسٹار ٹام کروز کو ۳۵ برس بعد اعزازی آسکر ایوارڈ سے نوازا جائے گا

وزیراعلیٰ کا افتتاحی تقریب

وزیراعلیٰ مریم نواز نے رائس انسٹیٹیوٹ کالا شاہ کاکو میں گندم کے کاشتکاروں کو ٹریکٹر اور کیش گرانٹ دے کر اس سکیم کا آغاز کیا۔ انہوں نے پہلے ٹریکٹر کی چابی محمد اکمل کو دی، جبکہ خاتون کاشتکار طاہرہ نسرین کو ٹریکٹر کی چابی اور ماڈل پیش کیا۔ وزیراعلیٰ نے خاتون کاشتکار سے چادر کا تحفہ بھی وصول کیا۔

یہ بھی پڑھیں: جونیئر جناح ٹرسٹ کا برما ٹاؤن میں “زیرو آؤٹ آف اسکول چلڈرن” ماڈل پراجیکٹ کا آغاز، پہلے مرحلے میں 360 بچوں کی انرولمنٹ

کیش گرانٹ کی تقسیم

وزیراعلیٰ مریم نواز نے گندم کے کاشتکار ہارون بھٹی کو 50 ہزار، محمد اکرم کو 40 ہزار، غلام صابر کو 35 ہزار اور محمد نواز کو 30 ہزار روپے کیش گرانٹ فراہم کی۔

یہ بھی پڑھیں: ہیڈ کوچ اظہر محمود نے بابر اعظم کو ڈومیسٹک کرکٹ کھیلنے کا مشورہ دے دیا

نئے زرعی آلات کا معائنہ

وزیراعلیٰ نے چین کی طرف سے تحفتاً ملنے والے 300 ملین کے 75 ٹریکٹر اور دیگر زرعی آلات کا معائنہ کیا۔ اس دوران انہیں نئے اور جدید ترین ٹریکٹرز اور زرعی آلات کے بارے میں بریفنگ بھی دی گئی۔ انہیں 12 نئے اور جدید چینی ٹریکٹرز کا معائنہ کرنے کا موقع ملا۔

یہ بھی پڑھیں: سیف سٹی کیمروں کی مدد سے لاہور میں خاتون مسافر کو ہراساں کرنے والا رکشہ ڈرائیور گرفتار

جدید زرعی ٹیکنالوجی کا جائزہ

وزیراعلیٰ نے روٹا ویٹر، روٹری ٹیلر فرٹیلائزر سیڈر، کارن ہارویسٹر، کلٹیویٹر اور ٹری ٹریمر کا بھی جائزہ لیا۔ علاوہ ازیں، کرالر ٹائپ ویٹ رائس کمبائن ہارویسٹر، کارن ہارویسٹر، ہوشز سپرنکلر اور فوٹووولٹک واٹر پمپنگ سسٹم کا معائنہ کیا۔

زرعی ٹیکنالوجی کی مزید معلومات

وزیراعلیٰ کو رائس کے لیے ایکو فرینڈلی ایڈوانس ٹیکنالوجی کے بارے میں بھی آگاہ کیا گیا۔ صوبائی وزیر زراعت عاشق حسین کرمانی نے گندم سپورٹ پروگرام کے بارے میں تفصیلات فراہم کیں۔