چین کے نئی نسل کے ایٹمی ری ایکٹر نے ایک ہزار دنوں کا فعال آپریشن مکمل کرلیا

ہوا لونگ 1 پر مبنی پہلا نیوکلیئر ری ایکٹر

فوژو (شِنہوا) - چین کے اپنے طور پر تیار کردہ پریشرائزڈ واٹر ری ایکٹر ٹیکنالوجی، ہوا لونگ 1، کی بنیاد پر دنیا کے پہلے ری ایکٹر، فُوچِھنگ نیوکلیئر پاور پلانٹ کا یونٹ نمبر 5 نے گذشتہ روز ایک ہزار دن کا مسلسل محفوظ اور مستحکم آپریشن مکمل کر لیا ہے۔ اس دوران، اس نے گرڈ کو 37 ارب کلو واٹ آور سے زائد صاف توانائی فراہم کی ہے۔

یہ بھی پڑھیں: واہگہ بارڈر پہلے کتنی مرتبہ بند ہو چکا ہے؟ جانئے

پہلا سنگ میل

فو چھنگ نیوکلیئر پاور پلانٹ کے تیسرے مرحلے کے ڈپٹی منیجر، ژو جن گانگ کے مطابق، یہ سنگ میل ہوا لونگ 1 کی حفاظت اور تکنیکی ترقی کو ثابت کرتا ہے اور دنیا بھر میں صاف توانائی کی ترقی میں چین کے مثبت کردار کو اجاگر کرتا ہے۔

یہ بھی پڑھیں: گوجرانوالہ سے ابا جی کی مرسیڈیز کار میں نوکری جوائن کرنے گجرات روانہ ہوا، چبھتی گرمی کی صبح تھی اور سورج مہاراج صبح سے ہی آگ کا گولا بنے تھے.

ہوا لونگ 1 کی ترقی

چائنہ نیشنل نیوکلیئر کارپوریشن (سی این این سی) کی تیار کردہ ہوا لونگ 1، جدید تیسری نسل کا پریشرائزڈ واٹر ری ایکٹر ہے جو تمام ملکیتی حقوق کا حامل ہے۔ یہ ٹیکنالوجی 30 سال سے زائد کے چینی نیوکلیئر تحقیق، ڈیزائن، تعمیر، اور آپریشن کے تجربے کا نچوڑ ہے اور اس کے تکنیکی معیارات بین الاقوامی جدید معیارات پر پورا اترتے ہیں۔

یہ بھی پڑھیں: راجن پور: کچے میں پولیس آپریشن، ہنی ٹریپ کے ذریعے مغوی بنایا گیا نوجوان بازیاب

تعمیر اور آزمائش

دنیا کے پہلے ہوا لونگ 1 یونٹ کی تعمیر 2015 میں چین کے مشرقی صوبے فوجیان کے شہر فوچھنگ میں شروع ہوئی تھی جبکہ آزمائشی منصوبے کی مکمل تکمیل 2022 میں ہوئی۔

سی این این سی کے ماہرین کے مطابق ہوا لونگ 1 ٹیکنالوجی کو اب بڑے پیمانے پر اپنایا جا چکا ہے۔ اب تک ہوا لونگ 1 کے 41 ری ایکٹرز چین اور بیرون ملک میں یا تو کام کر رہے ہیں یا زیر تعمیر ہیں، جو اسے دنیا بھر میں تیسری نسل کا سب سے بڑا نیوکلیئر فلیٹ بناتا ہے۔

یہ بھی پڑھیں: اس صدی کے آخر تک ایک تہائی جانداروں کی معدومی کا خظرہ، نئی تحقیق نے خطرے کی گھنٹی بجادی

عالمی مواقع کی تلاش

چینی نیوکلیئر ماہرین عالمی منڈیوں میں بھی فعال طور پر مواقع تلاش کر رہے ہیں۔ مئی 2021 میں ہوا لونگ 1 نیوکلیئر پاور پلانٹ (کے-2) نے شہر کراچی میں بجلی پیدا کرنا شروع کی۔ جولائی 2023 میں چشمہ نیوکلیئر پاور پلانٹ میں نئے ہوا لونگ 1 ری ایکٹر کی تعمیر کا آغاز ہوا۔

یہ بھی پڑھیں: اڈیالہ جیل کے قریب تعینات پولیس اہلکار کی علیمہ خان سے عمران خان کے حق میں گفتگو

بین الاقوامی تعاون

چین سے بھجوائے گئے دوسرے ہوا لونگ 1 نیوکلیئر ری ایکٹر، کراچی نیوکلیئر پاور پلانٹ کے-3 یونٹ نے 18 اپریل کو کامیابی سے حتمی منظوری حاصل کر لی۔ اس سے بیرونِ ملک پہلے ہوا لونگ 1 منصوبے کے تحت دونوں یونٹس (کے-2 اور کے-3) کی مکمل ترسیل ہوئی، جس نہ صرف چین کی اس ٹیکنالوجی کی پختگی ظاہر کرتی ہے بلکہ اس کی عالمی منڈی کے لئے موافقت کی بھی تصدیق کرتی ہے۔

بیلٹ اینڈ روڈ انیشی ایٹو

منصوبے کی کامیاب تکمیل بیلٹ اینڈ روڈ انیشی ایٹو کے تحت صاف توانائی میں تعاون کے لئے قابلِ تقلید "چینی حل" فراہم کرتی ہے۔ یہ منصوبہ "مشترکہ مستقبل کے حامل چین-پاکستان معاشرے" کی تشکیل کے لئے چین اور پاکستان کے مل کر کام کرنے اور ہر موسم کی تزویراتی شراکت داری کو مزید گہرا کرنے کی جیتی جاگتی مثال بھی ہے۔