ایڈیشنل ایڈووکیٹ جنرل سندھ اور پیپلز لائر فورم سندھ کے صدر قاضی محمد بشیر کے اعزاز میں عشائیہ

عشائیہ کی تقریب کا اہتمام

دبئی (طاہر منیر طاہر) - پیپلز لائر فورم سندھ کے صدر اور ایڈیشنل ایڈووکیٹ جنرل سندھ قاضی محمد بشیر کے اعزاز میں پیپلز پارٹی گلف نے دبئی کے ایک ریسٹورنٹ میں عشائیہ کا اہتمام کیا۔ اس تقریب میں پیپلز پارٹی کے اہم رہنما شامل ہوئے جن میں ملک محمد اسحاق، ملک محمد اسلم، ذوالفقار علی مغل، میاں منیر ہانس، عرفان قمر گوندل، نور مگسی، قیصر آفریدی، سردار جمن خان، سردار قیصر، شکیل صدیقی، عرفان جنجوعہ اور عمران شفیق شامل تھے۔ برطانیہ سے نعمان طارق، مراد انجم، مسٹر بیگ اور خرم بیگ مہمان خصوصی کے طور پر شریک ہوئے۔

یہ بھی پڑھیں: امریکہ نے بھارت میں موجود اپنے شہریوں کے لیے الرٹ جاری کردیا

قاضی بشیر کی خدمات کا اعتراف

اس موقع پر ملک محمد اسحاق نے قاضی بشیر کی خدمات کو سراہتے ہوئے کہا کہ وہ صرف ایک نام نہیں بلکہ وفاداری، خلوص اور قانونی حکمت کا ایک روشن مینار اور ادارہ ہیں۔ یہ تقریب اتحاد، وقار اور محبت کی شاندار علامت بن گئی، جہاں گلف اور مشرقِ وسطیٰ سے تعلق رکھنے والے پارٹی رہنما اور کارکنان اس عزم کے ساتھ جمع ہوئے کہ قاضی بشیر کو خراجِ عقیدت پیش کریں، جو پیپلز پارٹی سندھ کی طاقت کی بنیاد بن چکے ہیں۔