پاکستان اور بھارت خوش ہیں، تجارت پر کام ہورہا ہے:ٹرمپ

ٹرمپ کا بیان: پاکستان اور بھارت کا تنازع حل ہو چکا

دبئی (ڈیلی پاکستان آن لائن) امریکی صدر ڈونلڈ ٹرمپ نے کہا ہے کہ وہ سمجھتے ہیں کہ پاکستان اور بھارت کا تنازع حل ہوگیا ہے۔

یہ بھی پڑھیں: پنجاب حکومت کا یتیموں، بیواؤں اور غربا کی زمینوں پر قبضہ کیسز کا فیصلہ 90 دن کے اندر لازمی قرار، جرمانہ اور 10 سال قید کی تجویز

تجارت پر زور

نجی ٹی وی جیو نیوز کے مطابق ایک بیان میں ٹرمپ نے کہا کہ پاکستان اور بھارت سے کہا گیا ہے کہ جنگ کے بجائے تجارت کریں۔ انہوں نے مزید کہا کہ تجارت بڑھانے کی بات پر پاکستان اور بھارت خوش ہیں اور اس پر کام ہورہا ہے۔

یہ بھی پڑھیں: ایران کی پاسدارانِ انقلاب نے متحدہ عرب امارات کے ساحل کے قریب ایک تیل بردار ٹینکر کو قبضے میں لے لیا، اسرائیلی میڈیا کا دعویٰ

غزہ میں امریکی منصوبے

اس کے علاوہ، دوحا میں امریکی فوجی اڈے پر تعینات فوجیوں سے خطاب کرتے ہوئے، ڈونلڈ ٹرمپ نے غزہ کو تحویل میں لینے کا ایک بار پھر اشارہ دے دیا۔ انہوں نے کہا کہ غزہ کو فریڈم زون بنائیں اور اس میں امریکہ کو شامل ہونے دیں، ان کے پاس غزہ کے لئے بہت اچھے منصوبے ہیں۔

افغانستان کا بگرام ایئر بیس

ڈونلڈ ٹرمپ نے مزید کہا کہ افغانستان کا بگرام ایئر بیس کسی کو نہیں دیں گے، بلکہ اسے اپنے پاس رکھیں گے۔