گورنر سندھ کا 9 مئی کے ملزمان کو عام معافی دینے کا مطالبہ

گورنر سندھ کا معافی کا مطالبہ

کراچی(ڈیلی پاکستان آن لائن) گورنر سندھ نے 9مئی واقعے میں ملوث پی ٹی آئی کارکنوں کیلئے عام معافی کا مطالبہ کردیا۔ کہتے ہیں خوشی کے موقع پر جو معصوم شکار ہوئے انہیں معاف کردیا جائے۔

یہ بھی پڑھیں: مشہور خاتون ٹک ٹاکر کو دوران سٹریمنگ گولی مار کر قتل کر دیا گیا

مزار قائد پر حاضری

نجی ٹی وی سما نیوز کے مطابق گورنر سندھ کامران ٹیسوری نے بھارت کیخلاف جنگ میں پاکستان کی فتح اور یوم تشکر پر مزار قائد پر حاضری دی اور فاتحہ خوانی کی، اپوزیشن لیڈر سندھ اسمبلی علی خورشیدی و دیگر بھی ان کے ہمراہ ہیں۔ انہوں نے مزار قائد پر پھول رکھے اور مہمانوں کی کتاب میں تاثرات درج کیے۔

یہ بھی پڑھیں: ورلڈ ٹیسٹ چیمپئن شپ کے فائنل کے لیے ریکارڈ انعامی رقم کا اعلان

بھارتی دشمنی کا جواب

میڈیا سے گفتگو کرتے ہوئے انہوں نے کہا کہ پی ٹی آئی سمیت تمام سیاسی جماعتوں نے بھارت کو ایک ہی جواب دیا، کلمے کے نام پر بننے والے اسلامی جمہوریہ پاکستان پر ہم سب ایک قوم ہیں۔ پوری قوم کا جذبہ افواج پاکستان کے ساتھ شامل رہا، افواج پاکستان نے وہ جواب دیا کہ دشمنوں کے دانت کھٹے کردیئے۔ شہداء کو سلام پیش کرتا ہوں، آج پاکستانی قوم کا سر فخر سے بلند ہے۔

یہ بھی پڑھیں: وزیرآباد سے نکل کر دریائے چناب پر بنے الیگزینڈریہ ریلوے پْل کو عبور کرتے ہی خوبصورت شہرگجرات آجاتا ہے جو 2 دریاؤں کے بیچ میں بسا ہے۔

پاکستان کی امن پسندی

گورنر سندھ کا کہنا ہے کہ پاکستان پر الزام لگا کر تحقیقات کے بجائے حملہ آور ہونے کی کوشش کی گئی۔ ہم ہندوستانی قوم کے خلاف نہیں، انتہاء پسند ہندو مودی کے خلاف ہیں۔ مودی نے مساجد کو شہید کیا لیکن ہم نے مندروں کو نقصان نہیں پہنچایا۔ ہماری حکومت اور فوج نے صبر کا دامن چھوڑا نہ امن کا۔ ہم امن پسند لوگ ہیں، یہ ثابت کرکے دکھادیا۔

یہ بھی پڑھیں: کراچی کا شادی حال میدان جنگ بن گیا، دلہا دلہن کے رشتے دار گتھم گتھا، پولیس اہلکاروں کی بھی پٹائی کر دی گئی

کراچی میں امن کی مثال

کامران ٹیسوری نے کہا کہ سیز فائر کے بعد بھی حیدرآباد دکن میں کراچی کے نام سے بیکری کو جلایا گیا۔ کراچی میں بھی انڈیا کے نام کی دکانیں ہیں لیکن ہم نے ان کے خلاف کچھ نہیں کیا۔ ہم امن پسند قوم ہیں، یہ پاکستانی قوم نے اپنے عمل سے ثابت کرکے دکھایا۔ آج پوری پاکستانی قوم کو افواج پاکستان پر فخر ہے۔

یہ بھی پڑھیں: زمین سے پینے کا پانی نکالنے کی وجہ سے دنیا کے کئی شہر تیزی سے ڈوبنے لگے

فتح کا جشن

گورنر سندھ کا کہنا ہے کہ پوری قوم آج فتح کا جشن منارہی ہے۔ ہمیشہ مزار قائد پر آکر دعا کرتے ہیں کہ ملک کے مسائل حل ہوں۔ آج ہم اظہار تشکر کیلئے مزار قائد پر جمع ہوئے ہیں، آج مزار پر حاضری میں مجھے فخر محسوس ہوا۔

پی ٹی آئی پر تنقید

انہوں نے کہا کہ پی ٹی آئی نے ملک اور قوم کو دنیا میں رسوا کروایا۔ پی ٹی آئی کے چند لوگ بیرونی سازش کے شکار اور کچھ اس میں شامل ہوئے، کچھ نے معصومیت میں آکر ایسے لوگوں کا ساتھ دیا۔ 9 مئی کے معصوم افراد کو رہا کیا جائے، حکومت سے مطالبہ کرتا ہوں کہ انہیں عام معافی دے دیں۔