خواتین کی نسبت عشق میں ناکام مردوں میں موت کا امکان دگنا ہوتا ہے: تحقیق
محبت میں ناکامی کے اثرات
لاہور (ڈیلی پاکستان آن لائن) خواتین کو محبت میں ناکامی یا دل ٹوٹ جانے جیسی صورتحال کا سامنا مردوں کی نسبت دگنا کرنا پڑتا ہے۔ لیکن طبی ماہرین کا ماننا ہے کہ محبت میں ناکامی کے بعد مردوں میں موت کا امکان دگنا ہوجاتا ہے۔
یہ بھی پڑھیں: سابق قومی کرکٹر عبدالرزاق نے لائیو پروگرام میں بیوی کے سامنے ہی دوسری شادی کی ’خواہش‘ ظاہر کر دی
ٹوٹے ہوئے دل کا سنڈروم
نجی ٹی وی جیو نیوز کے مطابق، ٹوٹے ہوئے دل کا سنڈروم (Broken Heart Syndrome) جسے باضابطہ طور پر ٹاکوٹسوبو کارڈیو مایوپیتھی کہا جاتا ہے، یہ کیفیت ہارٹ اٹیک جیسی علامات کا سبب بنتی ہے۔
یہ بھی پڑھیں: ڈائریکٹر جنرل سپورٹس پنجاب خضر افضال چودھری کی زیر صدارت سپورٹس کی ترقی کیلئے اہم اجلاس
دل کی صحت پر اثرات
کارڈیو مایوپیتھی میں دل کے پٹھوں کا اچانک کمزور ہو جانا، بنیادی طور پر بائیں وینٹریکل کو متاثر کرتا ہے۔ اگرچہ زیادہ تر لوگ بغیر کسی دیرپا نقصان کے تیزی سے صحت یاب ہو جاتے ہیں، لیکن یہ دل کے پٹھوں کی شدید، قلیل مدتی ناکامی اور یہاں تک کہ چند فیصد لوگوں میں موت کا باعث بن سکتا ہے۔
یہ بھی پڑھیں: خیبر پختونخوا اور اسلام آباد میں زلزلے کے جھٹکے، شہری خوفزدہ
جذباتی اور جسمانی تناو
طبی ماہرین کے مطابق یہ صورتحال جسمانی یا جذباتی تناو یا کسی عزیز کی موت جیسے واقعات میں شدت اختیار کرلیتی ہے۔ جذباتی یا جسمانی تناو کے سبب Broken Heart Syndrome شدت اختیار کرسکتا ہے، جس کے نتیجے میں ہارٹ اٹیک، سینے میں درد اور سانس میں دشواری جیسی صورتحال کا سامنا کرنا پڑسکتا ہے۔
یہ بھی پڑھیں: چین کے اعتراضات مسترد، امریکا نے تائیوان کو اسلحہ فروخت کرنے کی منظوری دے دی
تحقیق کے نتائج
حال ہی میں کی گئی ایک نئی تحقیق کے مطابق، اگرچہ خواتین میں یہ حالت بہت زیادہ عام ہے، لیکن مردوں میں ٹوٹے ہوئے دل کے سنڈروم سے موت کا امکان دگنا سے زیادہ ہوتا ہے۔ یوں کہیں کہ اس سنڈروم کے مردوں کے لئے مہلک ہونے کا زیادہ امکان ہے۔
یہ بھی پڑھیں: بنگلہ دیش کی سابق وزیراعظم حسینہ واجد پر فرد جرم عائد
محققین کی تحقیق
غیر ملکی نیشنل ہسپتال کے ڈیٹا بیس کا استعمال کرتے ہوئے محققین نے 2016 سے 2020 تک ٹوٹے ہوئے دل کا سنڈروم یا کارڈیو مایوپیتھی سے متاثرہ تقریباً 2 لاکھ لوگوں کی نشاندہی کی۔ تجزیے سے پتا چلا کہ ٹوٹے ہوئے دل کے سنڈروم کے ہر 6 میں سے تقریباً 5 کیسز خواتین کے تھے، لیکن اس سنڈروم سے ہونے والی اموات مردوں میں دگنی سے بھی زیادہ تھیں۔
یہ بھی پڑھیں: مسلمان جو کبھی ساری دنیا پر حکومت کرتے تھے، اپنی کمزوریوں، سازشوں اور غفلتوں کی وجہ سے علم و عمل کے قافلے سے بچھڑ کر اب بہت پیچھے رہ گئے
اموات کی شرح
طبی ماہرین کے مطابق مطالعے میں ٹوٹے ہوئے دل کے سنڈروم سے خواتین میں ہونے والی اموات کی شرح 5.5 فیصد اور مردوں میں یہ شرح 11.2 فیصد تھی۔
ماہر امراض قلب کی رائے
کیلیفورنیا کے ماہر امراض قلب ڈاکٹر کھنڈیلوال کے مطابق، 'ہم نے ہمیشہ اس کو عورت کی بیماری سمجھا ہے لیکن شاید اس سنڈروم سے مردوں میں اموات کی شرح کی تلاش ہی نہیں کی‘۔
