شہداء کے خاندانوں کی قربانی کو سلام پیش کرتے ہیں: سہیل شوکت بٹ کا تقریب سے خطاب

پُروقار تقریب کا انعقاد

لاہور (ڈیلی پاکستان آن لائن) یومِ تشکر کے موقع پر ڈی جی سوشل ویلفیئر پنجاب کے دفتر میں ایک پُروقار تقریب کا انعقاد کیا گیا، جس میں صوبائی وزیر سوشل ویلفیئر و بیت المال سہیل شوکت بٹ نے بطور مہمانِ خصوصی شرکت کی۔ ڈی جی سوشل ویلفیئر طارق قریشی اور محکمے کے افسران اور ملازمین بھی شریک تھے۔

یہ بھی پڑھیں: مودی کے دن گنے جا چکے، فیصلہ بھارتی عوام کریں گے : خواجہ آصف

قومی ہیروز کو خراجِ تحسین

تقریب سے خطاب کرتے ہوئے صوبائی وزیر سہیل شوکت بٹ نے کہا کہ آج کا دن ان تمام قومی ہیروز کو خراجِ تحسین پیش کرنے کا دن ہے جنہوں نے پاکستان کی حفاظت کے لیے اپنی جانوں کا نذرانہ پیش کیا۔ ہم محمد نواز شریف کے شکر گزار ہیں جنہوں نے پاکستان کو ایٹمی طاقت بنا کر ناقابلِ تسخیر بنایا۔ آج پاکستان ایک مضبوط اور خوددار ملک ہے جس کا دفاع ناقابلِ تسخیر ہے۔ افواجِ پاکستان کے شہداء کو خراجِ عقیدت پیش کرتے ہیں جنہوں نے وطن عزیز کے دفاع کے لیے اپنی جانوں کا نذرانہ دیا۔ ان کا خون کبھی رائیگاں نہیں جائے گا۔ ہم ان کے خاندانوں کے حوصلے، قربانی اور جذبۂ حب الوطنی کو سلام پیش کرتے ہیں۔

یہ بھی پڑھیں: دہشتگردی کے خاتمے کا مشن قومی اور اجتماعی عزم کیساتھ آگے بڑھایا جائے گا:آرمی چیف جنرل سید عاصم منیر

پاک فضائیہ کی جرأت و بہادری

سہیل شوکت بٹ نے پاک فضائیہ کی جرأت و بہادری کو بھی سراہا اور کہا کہ پاک فضائیہ کے نوجوانوں نے اپنی جان ہتھیلی پر رکھ کر وطن کا دفاع کیا، بھارتی طیاروں کو مار گرایا اور دنیا بھر میں اپنی پیشہ ورانہ مہارت کا لوہا منوایا۔

یہ بھی پڑھیں: گوجرانوالہ میں عالمی معیار کا ہسپتال جہاں کم وسیلہ لوگوں کا بالکل مفت علاج کیا جائے گا

لیڈرشپ اور قوم کا اتحاد

صوبائی وزیر نے افواج پاکستان کے سپہ سالار سید عاصم منیر کی قیادت کو بھی خراج تحسین پیش کیا اور کہا کہ ان کی مدبرانہ قیادت میں افواجِ پاکستان نے دشمن کو منہ توڑ جواب دیا اور ملک کے دفاع کو ناقابلِ شکست بنایا۔ آج پوری قوم افواجِ پاکستان کے شانہ بشانہ کھڑی ہے، اور ہم وزیراعظم پاکستان میاں محمد شہباز شریف کی قیادت پر فخر کرتے ہیں۔

دعا اور خوشی کا موقع

تقریب کے اختتام پر ملک و قوم کی سلامتی، شہداء کے درجات کی بلندی اور ترقیِ پاکستان کے لیے دعا کی گئی اور پاکستان اور پاک فوج کی کامیابی کی خوشی میں کیک بھی کاٹا گیا。