شان مسعود کو قومی ٹیسٹ ٹیم کی کپتانی سے ہٹائے جانے کا امکان، ممکنہ متبادل نام بھی سامنے آگیا

کپتان شان مسعود کی ممکنہ برطرفی

لاہور (آئی این پی) پاکستانی ٹیسٹ ٹیم کی مسلسل ناقص کارکردگی پر قومی ٹیم کے کپتان شان مسعود کو قیادت سے ہٹائے جانے کا امکان ہے۔

یہ بھی پڑھیں: مصطفیٰ عامر قتل کیس، ارمغان کے لیپ ٹاپ سے بین الاقوامی فراڈ گروپ کے شواہد مل گئے

نئے کپتان کا ممکنہ انتخاب

میڈیا رپورٹس میں دعویٰ کیا جارہا ہے کہ قومی ٹیسٹ ٹیم کے موجودہ نائب کپتان سعود شکیل کو کپتانی سپرد کی جاسکتی ہے، جس کا اعلان پاکستان کرکٹ بورڈ (پی سی بی) جلد کردے گا۔ رپورٹس میں کہا گیا ہے کہ قیادت میں تبدیلی کا فیصلہ تقریباً حتمی شکل اختیار کرچکا ہے۔

یہ بھی پڑھیں: فرانسیسی صدر کو اہلیہ سے ’تھپڑ‘ پڑنے پر صدر ٹرمپ کا موقف بھی آگیا

نئے ہیڈ کوچ کی تقرری

یہ قیادت میں تبدیلی اُس وقت سامنے آئی ہے جب گزشتہ روز خبر آئی تھی کہ مصباح الحق کو ٹیسٹ ٹیم کا نیا ہیڈ کوچ بنایا جارہا ہے، تاہم بورڈ نے تاحال تصدیق نہیں کی ہے۔

یہ بھی پڑھیں: عمران خان نے حکومت کیساتھ مذاکرات کو مسترد کر دیا، اسٹیبلشمنٹ سے بات چیت کیلئے تیار

شان مسعود کی کارکردگی کا تجزیہ

شان مسعود کو نومبر 2023 میں ٹیسٹ ٹیم کا کپتان مقرر کیا گیا، مگر ان کی قیادت میں خاطر خواہ نتائج حاصل نہیں ہوسکے۔ خاص طور پر ہوم گراؤنڈ پر پہلی بار بنگلادیش کے خلاف بدترین شکست کا منہ دیکھنا پڑا۔ اِن کی کپتانی میں پاکستان نے 12 ٹیسٹ میچ کھیلے، جن میں سے صرف 3 جیتے اور 9 میں شکست کا سامنا کرنا پڑا۔ اسی طرح ورلڈ ٹیسٹ چیمپئین شپ سائیکل 2023-25 میں پاکستان کا سفر مایوس کن رہا اور 9ویں پوزیشن حاصل کی۔