پاکستان کی غیر مشروط حمایت، بھارت نے مصنوعات بائیکاٹ مہم کے بعد ترکیہ سے تجارتی و تعلیمی روابط معطل کر دیے

بھارت نے ترکیے سے روابط معطل کیے

نئی دہلی (ویب ڈیسک) بھارت نے ترکیے سے تجارتی و تعلیمی روابط معطل کردیے۔

یہ بھی پڑھیں: سابق وزیر خزانہ شوکت ترین کو باجوہ صاحب لے کر آئے تھے: لطیف کھوسہ

معطل کرنے کا فیصلہ

بھارتی وزارت خارجہ کے مطابق ترکیے سے تجارتی و تعلیمی روابط معطل کیے گئے ہیں، یہ فیصلہ پاک بھارت کشیدگی کے دوران ترکیے کی پاکستان کی غیرمشروط حمایت کے تناظر میں کیا گیا۔

یہ بھی پڑھیں: تحریک انصاف نے بشریٰ بی بی کے بیان کی حمایت کرنے سے انکار کر دیا

پالیسی کا حصہ

بھارتی وزارت خارجہ کا کہنا ہے کہ جو ممالک بھارت کی خودمختاری پر سوال اٹھاتے ہیں ان کے ساتھ روابط پر نظرثانی ہماری پالیسی کا حصہ ہے۔ اس سے قبل بھارتی ائیرپورٹس پر کام کرنے والی ترک کمپنی کی سکیورٹی کلیئرنس بھی منسوخ کردی گئی تھی۔

یہ بھی پڑھیں: دوسری جنگ عظیم کے 104 سالہ فوجی کی اپنی سالگرہ میں ٹرمپ کی شرکت کی خواہش، لیکن پھر امریکی صدر نے ایسا کام کردیا کہ دل جیت لیے

سیب کے بائیکاٹ کی مہم

اس کے علاوہ بھارت میں ترکیہ کے سیب کے بائیکاٹ کی مہم بھی چلائی گئی۔ بھارتی میڈیا کے مطابق پونے کے تاجر یہ مہم تیزی سے چلا رہے ہیں اور تاجروں کی جانب سے ترکیہ کے سیب کا بائیکاٹ کرنے کا مطالبہ کیا جارہا ہے۔

پاک بھارت کشیدگی کا پس منظر

واضح رہے کہ حالیہ پاک بھارت کشیدگی میں ترکیہ نے پاکستان کی بھرپور حمایت کی تھی، جو بھارتیوں کو بالکل پسند نہ آئی اور وہ سیخ پا ہوگئے۔ ترک صدر رجب طیب اردوان نے کہا تھا کہ "ہم ہمیشہ آپ کے ساتھ کھڑے ہیں، ترکیے اور پاکستان کے درمیان جو بھائی چارہ ہے وہ بہت کم اقوام کو نصیب ہوتا ہے۔"