دنیا میں سب سے زیادہ کمائی کرنے والے ایتھلیٹس کی فہرست جاری

فوربز کی 2025 کی فہرست

نیویارک (ویب ڈیسک) امریکی جریدے فوربز نے 2025 کی دنیا میں سب سے زیادہ کمائی کرنے والے ایتھلیٹس کی فہرست جاری کر دی۔

یہ بھی پڑھیں: وکٹ کیپر بیٹر محمد رضوان کے ٹیسٹ کرکٹ میں 2 ہزار رنز مکمل

کرسٹیانو رونالڈو کی کامیابی

فوربز کے مطابق پرتگال کے اسٹار فٹبالر کرسٹیانو رونالڈو نے لگاتار تیسرے سال فوربز کی سب سے کمائی کرنے والے ایتھلیٹس کی فہرست میں پہلا نمبر حاصل کیا ہے۔

کاروباری میگزین کے مطابق، رونالڈو، جو اپنے کیریئر کے دوران 5 بار اس فہرست میں سرفہرست رہ چکے ہیں، نے 2025 میں اپنی مجموعی آمدنی میں 15 ملین ڈالر کا اضافہ کیا ہے، جس کے بعد ان کی کل آمدنی 275 ملین ڈالر ہو چکی ہے۔

یہ بھی پڑھیں: لندن میں پاکستانی ہائی کمیشن کی طرف جانے کی کوشش میں بھارتی انتہاپسند مظاہرین گرفتار

رونالڈو کی آمدنی کے ذرائع

40 سالہ رونالڈو نے دسمبر 2022 میں سعودی پرو لیگ کے کلب النصر میں شمولیت اختیار کی، جس کے بعد انہوں نے میدان سے باہر برانڈز، اشتہارات اور اسپانسرشپ کے ذریعے بڑی آمدنی حاصل کی۔

یہ بھی پڑھیں: مودی راج میں بھارت خواتین کے لیے دنیا کا سب سے غیر محفوظ ترین ملک قرار، نظام انصاف مفلوج، عالمی میڈیا بول اٹھا، شرمناک اعدادوشمار پیش کیے

دیگر ایتھلیٹس کی فہرست

2025 کی سب سے کمائی کرنے والے ایتھلیٹس کی فہرست میں دوسرا نمبر امریکی باسکٹ بال کھلاڑی اسٹیپن کری کا ہے جن کی آمدنی 156 ملین ڈالر ہوگئی ہے۔ اس کے علاوہ، برطانوی باکسر ٹائسن فیوری 146 ملین ڈالر کمائی کے ساتھ تیسرے نمبر پر آگئے۔

رونالڈو کے حریف فٹبالر لیونل میسی اب پرتگالی اسٹار سے مزید پیچھے ہو گئے ہیں اور تیسرے سے پانچویں نمبر پر آ چکے ہیں۔