خیبرپختونخوا اسمبلی کا وہ رکن جس نے پیسکو کے گرڈ اسٹیشنز پر دھاوا بول کر تمام فیڈرز آن کرا دیئے

فضل الٰہی کا پیسکو کے گرڈ سٹیشنز پر دھاوا

پشاور (آئی این پی) رکن خیبرپختونخوا اسمبلی فضل الٰہی نے پیسکو کے گرڈ سٹیشنز پر دھاوا بول دیا، زبردستی رحمن بابا گرڈ سٹیشن سے تمام فیڈرز آن کرا دیئے۔

یہ بھی پڑھیں: پی ٹی آئی اور حکومت دونوں بات چیت کرنے کو تیار نہیں، مفتاح اسماعیل

پیسکو کے گرڈ سٹیشنز پر حملہ

خیبرپختونخوا میں حکمران جماعت پاکستان تحریک انصاف کے رکن صوبائی اسمبلی فضل الٰہی نے پیسکو کے بیشتر گرڈ سٹیشنز پر دھاوا بول دیا اور اس دوران رحمان بابا گرڈ سٹیشن سے زبردستی تمام فیڈرز آن کرا دیئے۔

یہ بھی پڑھیں: اگر جنگ ہوئی تو بھارت تباہ ہو جائے گا، کھیل داس کوہستانی

بجلی کی سپلائی میں خلل

ترجمان پیسکو کے مطابق زبردستی فیڈرز آن کرانے سے سسٹم اوورلوڈ ہوگیا جس کے باعث رحمان بابا گرڈ سٹیشن سے بجلی کی سپلائی بھی معطل ہو گئی، جس سے بیشتر علاقے تاریکی میں ڈوب گئے۔

یہ بھی پڑھیں: مجھے یا میری فیملی کو نقصان پہنچا تو (ن) لیگ کی قیادت ذمہ دار ہو گی، آصف کرمانی

مظاہروں کی کیفیت

ترجمان پیسکو نے بتایا کہ سینکڑوں مظاہرین نے پشاور سٹی گرڈ سٹیشن اور پشاور انڈسٹریل گرڈ اسٹیشن کا گھیراؤ بھی کیا۔ اس دوران مظاہرین نے پیسکو عملے کو دھمکاتے ہوئے زدو کوب بھی کیا۔ ترجمان کے مطابق زبردستی آن کرائے گئے فیڈرز ہائی لاس فیڈرز میں شمار ہوتے ہیں، بجلی چوری کی کثرت اور واجبات کی عدم ادائیگی کے باعث ان فیڈرز پر لوڈ مینجمنٹ کی جاتی ہے۔