بھارت میں شیری رحمان کا سوشل میڈیا اکاؤنٹ بلاک

شیری رحمان کا سوشل میڈیا اکاﺅنٹ بند

اسلام آباد (ڈیلی پاکستان آن لائن) پاکستان پیپلز پارٹی کی سینئر رہنما شیری رحمان کا بھارت میں سوشل میڈیا اکاﺅنٹ بند کردیا گیا ہے۔

یہ بھی پڑھیں: سربراہ پاک بحریہ ایڈمرل نوید اشرف کا سی ایم ایچ راولپنڈی کا دورہ

بھارت کا اقدام

نجی ٹی وی جیونیوز کے مطابق بھارت میں سوشل میڈیا اکاﺅنٹ بلاک کئے جانے کے بعد سینیٹر شیری رحمان کا بیان بھی سامنے آگیا۔ انہوں نے کہا کہ ’بھارت میں سوشل میڈیا اکاﺅنٹ پر پابندی کا مقصد سچ بولنے والوں کو خاموش کرنا ہے، بھارتی حکومت کے اقدام کا مقصد پہلگام واقعے کے حقائق کو چھپانا ہے‘۔

یہ بھی پڑھیں: جہاں آپ کا مینڈیٹ نہیں وہاں خامخواہ ڈیڑھ گز کی مسجد بنانے کی کوشش نہ کریں، عظمیٰ بخاری کا شازیہ مری کے بیان پر ردعمل

عالمی سطح پر مذمت

انہوں نے مزید کہا کہ ’بھارت کے اس اقدام کی عالمی سطح پر مذمت ہونی چاہئے، بھارت کچھ بھی کر لے لیکن حقائق سے نہیں بھاگ سکتا‘۔ شیری رحمان نے یہ بھی کہا کہ بھارت نے پہلگام حملے کے بعد بلاجواز جارحیت کی، جس کے خلاف پاکستان نے ذمہ دارانہ انداز میں دفاع کیا۔

پاکستان کا مؤقف

انہوں نے واضح کیا کہ اگر بھارت نے پھر کسی مہم جوئی کی کوشش کی تو پاکستان موثر جواب دے گا۔ واضح رہے کہ بھارتی حکومت کی درخواست پر کئی پاکستانیوں کے سوشل میڈیا اکاﺅنٹس بھارت میں بند کئے جاچکے ہیں。