جو لوگ فوج مخالف باتیں کرتے تھے کیا ان کا احتساب نہیں ہونا چاہئے؟ ڈی جی آئی ایس پی آر

ڈی جی آئی ایس پی آر کا بیان

اسلام آباد (ڈیلی پاکستان آن لائن) ڈی جی آئی ایس پی آر لیفٹیننٹ جنرل احمد شریف چودھری نے کہا ہے کہ اب ہمیں متحد ہوکر آہنی دیوار (بنیان مرصوص) کو دہشت گردی کی طرف موڑنا ہے۔

یہ بھی پڑھیں: خواتین سے دوستی کا تنازع ، کوہاٹ میں 7 دوستوں کو قتل کرنے والے 3 سفاک قاتل گرفتار

نوجوانوں کی اہمیت

نجی ٹی وی ایکسپریس نیوز کے مطابق، ڈی جی آئی ایس پی آر کی اسلام آباد کے طلبا اور اساتذہ کے ساتھ خصوصی نشست کا اہتمام کیا گیا۔ جس میں انہوں نے نوجوانوں کی ملک کے لئے کاوشوں کو نہایت اہم قرار دیا۔

یہ بھی پڑھیں: امریکی قونصل جنرل کا سیلاب متاثرہ جلال پور پیروالا کا دورہ، گھنٹہ گھر بحالی کا افتتاح، سینکڑوں طلباء کو اعزاز سے نوازا

متحد رہنے کی تلقین

ڈی جی آئی ایس پی آر نے دشمن کے ناپاک عزائم سے آگاہ کرتے ہوئے متحد رہنے کی تلقین کی اور کہا کہ پاکستان امن کا گہوارہ ہے اور پاکستان کی فتح دراصل امن کی فتح ہے۔ لیفٹیننٹ جنرل احمد شریف نے پورے ملک کے اساتذہ کو پاک فوج کی جانب سے سلام بھی پیش کیا۔

یہ بھی پڑھیں: بین الاقوامی موسمیاتی ایپس کی پاکستان میں مون سون کی زائد بارشوں کی پیشگوئی

طالب علموں کا جذباتی اظہار

شرکا سے گفتگو میں انہوں نے کہا کہ جس طریقے سے آپ (طلبا) نے پاکستان اور پاک فوج کیلئے والہانہ محبت کا اظہار کیا ہے، اُس سے دیکھ کر میں کہہ سکتا ہوں کہ پاکستان کا مستقبل نہ صرف روشن ہے بلکہ تابناک بھی ہے۔

یہ بھی پڑھیں: مودی سرکار پر ٹرمپ کا ایک اور کاری وار، 7 بھارتی کمپنیوں پر پابندی عائد

فوج اور عوام کا تعلق

انہوں نے کہا کہ آپ کو لوگ کہتے تھے یہ اپنا کام نہیں کرتے، آپ ان سے سوال کریں کہ فوج نے اپنا کام کیا یا نہیں کیا؟ کیا ایسے لوگوں کا احتساب نہیں ہونا چاہئے جو اپنی فوج، افسروں اور جوانوں کے خلاف باتیں کرتے تھے۔

یہ بھی پڑھیں: پختہ اطلاعات ہیں بھارت 36 گھنٹوں میں کارروائی کا ارادہ رکھتا ہے، اگر ایسا ہوا تو بھر پور جواب دیاجائے گا: عطاتارڑ

عزم اور اتحاد

ڈی جی آئی ایس پی آر کا کہنا تھا کہ پاکستان کی فوج عوام سے اور عوام پاک فوج سے ہیں، سیسہ پلائی آہنی دیوار آپ ہیں، اس ملک کے عوام، بچے اور بچیاں ہیں۔ انہوں نے کہا کہ یقین رکھیں یہ نسل اور آپ کے بعد کی نسلیں کبھی بھی ملک کی حفاظت سے پیچھے نہیں ہٹیں گی۔

یہ بھی پڑھیں: عالمی سطح پر پیٹرولیم مصنوعات کی قیمتیں کم ہوئی ہیں لیکن جو حالات ہیں پیٹرول کی قیمتوں میں شاید زیادہ رد و بدل نہ آئے، وزیر پیٹرولیم علی پرویز ملک

بھارت کی مداخلت

ڈی جی آئی ایس پی آر نے طلبا کو بتایا کہ پاکستان میں نظر آنے والی دہشت گردی کے پیچھے بھارت ہے۔ انہوں نے کہا کہ آہنی دیوار (بنیان مرصوص) کو اب ہم نے متحد ہوکر دہشت گردی کی طرف موڑنا ہے، عوام اور فوج اکٹھے ہوں گے تو ملک میں کوئی دہشت گرد نہیں بچے گا۔

یہ بھی پڑھیں: این اے 129 میں انتخابی مہم، تحریک انصاف لاہور کے صدر میاں اکرم عثمان کو گرفتار کر لیا گیا

اساتذہ کی اہمیت

ڈی جی آئی ایس پی آر نے کہا کہ تمام بچے اپنے اساتذہ کا احترام کریں، ہمیں اپنے اساتذہ کو سلیوٹ کرنا چاہئے۔ انہوں نے پاک فوج کی جانب سے اساتذہ کو سلیوٹ کیا۔

نعرے اور عزم

ڈی جی آئی ایس پی آر نے پاکستان زندہ باد کا نعرہ لگانے کے ساتھ ساتھ بچوں کے ساتھ ملکر "کشمیر بنے گا پاکستان" کا نعرہ بھی لگوایا۔