صدر زرداری سے سرفراز بگٹی کی ملاقات، بلوچستان میں امن پر گفتگو

ملاقات کی تفصیلات

اسلام آباد (ڈیلی پاکستان آن لائن) وزیراعلیٰ بلوچستان میر سرفراز بگٹی نے صدر مملکت آصف علی زرداری سے ملاقات کی، جس میں صوبے کی مجموعی صورتحال، ترقیاتی اقدامات اور امن و امان پر تفصیلی تبادلہ خیال کیا گیا۔

یہ بھی پڑھیں: پاکستان تحریک انصاف کی اہم خاتون رہنما جیل سے رہا

رپورٹ

نجی ٹی وی آج نیوز کے مطابق وزیراعلیٰ بلوچستان میر سرفراز بگٹی نے ہفتے کے روز ایوان صدر اسلام آباد میں صدر مملکت آصف علی زرداری سے ملاقات کی۔ اس ملاقات میں وزیراعلیٰ نے صدر کو بلوچستان کی انتظامی صورتحال، امن و امان کے امور اور صوبے کو درپیش چیلنجز سے آگاہ کیا۔

یہ بھی پڑھیں: ایل او سی پر بھارت کے 50 کے قریب فوجی مارے : وزیر اطلاعات

ترقیاتی اقدامات

وزیراعلیٰ میر سرفراز بگٹی نے صدر مملکت کو بتایا کہ بلوچستان میں گورننس کو بہتر بنانے، عوامی خدمات کی فراہمی اور سکیورٹی کے قیام کے لئے قابل عمل حکمت عملی کے تحت ٹھوس اقدامات کئے جا رہے ہیں۔ اس کا مقصد عام آدمی کی بہتری کے لئے حکومتی پالیسیوں کو نتیجہ خیز بنانا ہے۔ بہتر سروس ڈلیوری کے ذریعے عوامی مشکلات بتدریج کم کی جا رہی ہیں جبکہ صحت اور تعلیم کے شعبوں میں اصلاحات کے خاطر خواہ نتائج سامنے آ رہے ہیں۔

یہ بھی پڑھیں: وزیر اعلیٰ پنجاب کا سرگودھا میں 3 خواتین پر تشدد کا نوٹس ، رپورٹ طلب کر لی

وزیراعلیٰ کا عزم

انہوں نے اس عزم کا اعادہ کیا کہ بلوچستان میں ترقی اور استحکام کے لئے تمام وسائل بروئے کار لائے جا رہے ہیں۔ ملاقات کے دوران، وزیراعلیٰ نے بلوچستان کی ترقی و خوشحالی کے لئے جاری منصوبوں اور عوام کی فلاح و بہبود کے لئے اٹھائے جانے والے اقدامات پر بھی روشنی ڈالی۔

صوبائی حکومت کی کوششیں

وزیراعلیٰ بلوچستان نے کہا کہ صوبائی حکومت تعلیم، صحت، مواصلات اور بنیادی ڈھانچے سمیت تمام شعبہ جات میں اصلاحات اور سرمایہ کاری کے لئے کوشاں ہے۔ صدر مملکت آصف علی زرداری نے وزیراعلیٰ بلوچستان کی کاوشوں کو سراہتے ہوئے امید ظاہر کی کہ موجودہ صوبائی حکومت کی قیادت میں بلوچستان ایک پ±رامن، خوشحال اور ترقی یافتہ صوبہ بنے گا۔