پاکستان نے تدبر سے بھارتی جارحیت کا جواب دیا، مذاکرات میں کشمیر ایجنڈا نمبر ون ہونا چاہیے: حافظ نعیم الرحمان

پاکستان کی فتح پر امیر جماعت اسلامی کا بیان

ایبٹ آباد (نیوز ڈیسک) امیر جماعت اسلامی حافظ نعیم الرحمان نے کہا ہے کہ بھارت کی جنونیت اور تکبر کے مقابلے میں پاکستان کو فتح نصیب ہوئی۔

یہ بھی پڑھیں: سٹیڈیم کے قریب بجلی گرنے کا واقعہ ، پاکستان اور جنوبی افریقہ کا تیسرا ٹی ٹوئنٹی میچ تاخیر کا شکار

مذاکرات کا ایجنڈا

’’جیو نیوز‘‘ کے پروگرام ’’جرگہ‘‘ میں گفتگو کرتے ہوئے امیر جماعت اسلامی نے کہا کہ پاکستان نے بہت تدبر سے بھارتی جارحیت کا جواب دیا۔ مذاکرات میں کشمیر ایجنڈا نمبر ون ہونا چاہیے، کشمیر کے بغیر مذاکرات قبول نہیں کریں گے۔

یہ بھی پڑھیں: بجلی صارفین کے لیے بڑی خبر، ہر صارف خود بل بنوا سکے گا، اویس لغاری نے صارفین کو بڑی خوشخبری سنادی۔

قوم کا اتحاد

’’جنگ‘‘ کے مطابق ایبٹ آباد میں دفاع پاکستان اور غزہ مارچ سے خطاب میں امیر جماعت اسلامی حافظ نعیم الرحمان نے کہا کہ پوری قوم بھارتی جارحیت کے خلاف اپنی افواج کی پشت پر کھڑی ہے۔ بھارتی جارحیت نے قوم کو اکٹھا کرکے نوجوانوں میں مایوسی کا خاتمہ کیا، اب ہم نے جس راستے کو اختیار کیا ہے یہی ہماری کامیابی کا راستہ ہے۔

حکومت کے خلاف لڑائی کا فرق

حافظ نعیم الرحمان نے کہا کہ حکومت سے اختلافات اپنی جگہ لیکن حکومت کے خلاف لڑائی اور ملک کے خلاف لڑائی میں فرق کرنا ہوگا۔