وفاقی بجٹ ساڑھے 17 ہزار سے 18 ہزار ارب روپے تک رہنے کا تخمینہ

اسلام آباد بجٹ کی تخمینہ

اسلام آباد (ڈیلی پاکستان آن لائن) آئندہ مالی سال کے لیے وفاقی بجٹ ساڑھے 17 ہزار ارب روپے سے 18 ہزار ارب روپے تک رہنے کا تخمینہ لگایا گیا ہے۔

یہ بھی پڑھیں: 14 دوستوں کو قتل کرنے والی لڑکی کو سخت سزا سنا دی گئی، تہلکہ خیز انکشافات

محاصل اور ٹیکس کی تفصیلات

نجی ٹی وی چینل دنیا نیوز کے ذرائع کے مطابق ایف بی آر آئندہ مالی سال کے دوران 14 ہزار 307 ارب روپے کے محاصل جمع کرے گا، جس میں 6 ہزار 470 ارب روپے ڈائریکٹ ٹیکس کی مد میں جمع کئے جائیں گے۔

فیڈرل ایکسائز ڈیوٹی کی مد میں 11 سو 53 ارب روپے اور سیلز ٹیکس کا ہدف 4943 ارب روپے مقرر کیا گیا ہے۔ کسٹمز ڈیوٹی کی مد میں 1 ہزار 741 ارب روپے، جبکہ پٹرولیم لیوی کا ہدف 13 سو 11 ارب روپے ہے۔

یہ بھی پڑھیں: وزیراعظم شہباز شریف کا بنگلہ دیشی ہم منصب طارق رحمان سے ٹیلیفونک رابطہ

نان ٹیکس آمدن اور قرضوں کی ادائیگی

دستاویز کے مطابق نان ٹیکس آمدن 25 سو 84 ارب روپے ہوگی، اور صوبے 12 سو 20 ارب کا سرپلس دیں گے۔ آئندہ سال قرضوں پر سود کی ادائیگیوں کے لیے 8 ہزار 685 ارب روپے خرچ کیے جائیں گے۔