تبدیلی اور سونامی جیسے نعرے پختون عوام کے ساتھ بھیانک مذاق بن چکے ہیں: عظمیٰ بخاری

وزیر اطلاعات پنجاب کا بیان

لاہور (ڈیلی پاکستان آن لائن) وزیر اطلاعات پنجاب عظمیٰ بخاری نے کہا ہے کہ خیبرپختونخوا حکومت کا سولر پینل منصوبہ کرپشن، کمیشن مافیا اور غیر شفافیت کی ایک واضح مثال ہے۔ انہوں نے کہا کہ خیبرپختونخوا حکومت کا سولر پینل منصوبہ مبینہ طور پر 2 ارب روپے کی کمیشن کی نذر ہو چکا ہے۔

یہ بھی پڑھیں: ایران کا اسرائیل پر ایک اور حملہ، کتنے میزائل داغے ؟

منصوبے کی منظوری سے پہلے ٹینڈر

انہوں نے بتایاکہ 8 ماہ قبل علی امین گنڈاپور نے اس منصوبے کا اعلان کیا تھا، لیکن حیران کن طور پر منصوبے کے پی سی ون کی منظوری سے قبل ہی ٹینڈر جاری کر دیئے گئے۔

یہ بھی پڑھیں: ایشین ڈویلپمنٹ بینک نے سماجی تحفظ و سروسز کیلئے 33کروڑ ڈالر کا قرض منظور کرلیا

عوامی مفاد کے منصوبے

ان کا کہنا تھا کہ خیبرپختونخوا میں عوامی مفاد کے منصوبے یا تو بنتے ہی نہیں، اور اگر کوئی بن بھی جائے تو وہ حصہ داروں کی لڑائی کی نذر ہو جاتے ہیں۔ کے پی حکومت کی تمام کارکردگی صرف بیانات اور سیاسی بھڑکوں تک محدود ہے، جبکہ صوبے کا عوامی سرمایہ احتجاجی تحریکوں اور من پسند ٹھیکیداروں کی نذر ہو رہا ہے۔

یہ بھی پڑھیں: شہباز شریف نے بشریٰ بی بی کے سعودی عرب سے متعلق بیان کو ملک دشمنی قرار دیدیا

تبدیلی اور سونامی کے نعرے

عظمیٰ بخاری نے کہا کہ "تبدیلی" اور "سونامی" جیسے نعرے پختون عوام کے ساتھ ایک بھیانک مذاق بن چکے ہیں اور ان کے نتائج ناقابلِ تلافی نقصان کی صورت میں سامنے آ رہے ہیں۔ گنڈاپور کے کریڈٹ پر صرف وفاق اور پنجاب پر تین ناکام حملے ہیں۔

وفاق سے مطالبہ

انہوں نے وفاق سے مطالبہ کیا کہ کے پی حکومت کو دیئے گئے تمام فنڈز کا فوری آڈٹ کرایا جائے۔ جب تک خیبرپختونخوا حکومت اپنے پچھلے فنڈز کا حساب نہیں دیتی، وفاق کو ان کے لیے مزید ایک دھیلہ بھی جاری نہیں کرنا چاہیے۔