خیبر پختونخوا میں سکینڈل سامنے آرہے، تھرڈ پارٹی آڈٹ ہونا چاہئے: فیصل کریم کنڈی

صوبے میں سکینڈلز کا انکشاف

پشاور (ڈیلی پاکستان آن لائن) گورنر خیبر پختونخوا فیصل کریم کنڈی نے کہا ہے کہ صوبے میں مختلف سکینڈل سامنے آرہے ہیں، اور ضرورت ہے کہ تھرڈ پارٹی آڈٹ کرایا جائے۔

یہ بھی پڑھیں: تنہائی یا علٰیحدگی کسی ملک کے لیے حل نہیں، تعاون ہی راستہ ہے: بنگلا دیشی ہائی کمشنر کا فارن سروس اکیڈمی میں خطاب

علی بابا چالیس چوروں کی حکومت

نجی ٹی وی دنیا نیوز کے مطابق پشاور میں میڈیا سے گفتگو کرتے ہوئے گورنر فیصل کریم کنڈی کا کہنا تھا کہ صوبے میں علی بابا چالیس چوروں کی حکومت ہے۔ انہوں نے کہا کہ اربوں کے سکینڈل سامنے آرہے ہیں، اور اگر ان کی جگہ کوئی اور پارٹی کرپشن کرتی تو اب تک گرفتاریاں ہو چکی ہوتیں۔

یہ بھی پڑھیں: قربانی کا ایک جانور، قیمت 1.5 کروڑ روپے

کرپشن کے سہولت کار

انہوں نے مزید کہا کہ پی ٹی آئی کی حکومت کی کرپشن کے سہولت کار اسلام آباد میں بیٹھے ہیں۔ گورنر کا یہ بھی کہنا تھا کہ صوبے کا 12 سال کا بجٹ کرپشن کی نذر ہو چکا ہے، اور فوری طور پر تھرڈ پارٹی آڈٹ کرایا جائے۔

یہ بھی پڑھیں: بھارت نے دریائے ستلج میں مزید پانی چھوڑ دیا۔

گرفتاریوں کا مطالبہ

گورنر نے کہا کہ خیبر پختونخوا حکومت میں جو بھی کرپٹ ہے اسے جلد از جلد گرفتار کیا جائے۔ اگر گورنر کے پاس اختیار ہوتا تو وہ ان کو سزا دیتا۔

یہ بھی پڑھیں: وزیراعلیٰ پنجاب کی صنعتی کارکنوں کے لیے 720 فلیٹس کی قرعہ اندازی

ضم اضلاع کا وعدہ

انہوں نے یہ بھی کہا کہ ریاست نے وعدہ کیا تھا کہ ضم اضلاع میں 100 ارب روپے خرچ کئے جائیں گے مگر اس کے مقابلے میں صرف 6 سے 7 ارب روپے ملتے ہیں۔

یہ بھی پڑھیں: مدنی مسجد کو انتظامیہ کی مشاورت سے شہید کیا گیا، حکام

نئے شہروں کی ضرورت

قبل ازیں فیصل کریم کنڈی نے کہا کہ ملک میں نئے شہر آباد ہونے چاہئیں، اور یہ حکومت کا کام ہے کہ نئے شہروں کو آباد کریں۔ انہوں نے سرمایہ کاروں کو صوبے میں خوش آمدید کہا۔

سیاحت اور سرمایہ کاری کے مواقع

گورنر کا مزید کہنا تھا کہ خیبرپختونخوا میں سیاحت کے فروغ کے وسیع مواقع ہیں۔ صوبے میں امن و امان قائم کرکے وسائل سے بہتر استفادہ کیا جا سکتا ہے، اور نئے شہر آباد کرنے کے لیے سرمایہ کاروں سے مکمل تعاون فراہم کریں گے۔