پہلگام واقعے کے پہلے ہی دن سے عالمی برداری میں پاکستان کا پلڑا بھاری تھا ، اسحاق ڈار

اسحاق ڈار کا بیان

اسلام آباد(ڈیلی پاکستان آن لائن) نائب وزیر اعظم اور وزیر خارجہ اسحاق ڈار نے کہا ہے کہ پہلگام واقعے کے پہلے ہی دن سے عالمی برداری میں پاکستان کا پلڑا بھاری تھا مگر پھر بھی ہم نے غیر جانبدارانہ تحقیقات کا مطالبہ کیا۔ وزیر خارجہ اسحاق ڈار نے اپنے حالیہ انٹرویو میں کہا کہ پہلگام واقعے کے بعد بھارتی میڈیا نے شور مچایا تھا، ہم نے مختلف ممالک کو آگاہ کیا تھا کہ ہم پہل نہیں کریں گے۔

یہ بھی پڑھیں: قومی سکواڈ ٹی 20سیریز کیلئے پرتھ سے برسبین روانہ

صبر کا پیمانہ لبریز

انہوں نے کہا کہ 9 مئی کی رات کو ہمارے صبر کا پیمانہ لبریز ہوگیا تھا جس کے بعد افواج پاکستان نے دشمن کو بھرپور جواب دیا۔ انہوں نے کہا کہ بھارت نے جھوٹ بولا تھا کہ پاکستان نے 15 مقامات پر حملہ کیا۔ نائب وزیر اعظم نے کہا کہ ہم نے مختلف ممالک کو بتایا کہ ہم نے ابھی تک حملہ نہیں کیا جس پر ایک مغربی ملک نے کہا کہ ہمیں معلوم ہے آپ سچ کہہ رہے ہیں۔

یہ بھی پڑھیں: حکومت کا سروسز چیفس کی مدت ملازمت 3 سے بڑھا کر 5 سال کرنے کا فیصلہ

سیز فائر کی صورتحال

وزیر خارجہ نے کہا کہ سیز فائر پر عملدرآمد ہو رہا ہے اور ہم اس پر کاربند ہیں تاہم اگر کسی بھی قسم کی جارحیت، شر انگیزی یا سیز فائر کی خلاف ورزی ہوئی تو ہمارا جواب بھرپور ہوگا۔ انہوں نے کہا کہ پہلگام واقعہ ہوا تو کچھ ممالک نے کہا تھا کہ بھارت پنچ لگائے گا جس پر ہم نے واضح کیا تھا کہ اگر بھارت نے کچھ کیا تو ہم اس کا جواب دیں گے۔ بھارت نے پاکستان کا ایف 16 طیارہ گرانے کا دعویٰ کیا تھا جس کی قلعی خود کھل کر سب کے سامنے آ گئی۔

تحقیقات کا مطالبہ

نائب وزیر اعظم نے کہا کہ پاکستان کا پلڑا پہلے دن سے بھاری ہے، ہم نے شروع سے کہا تھا کہ پہلگام پر تحقیقات کے لیے تیار ہیں۔ اسحاق ڈار نے کہا کہ بھارت کو جواب دینے کا پلان ہم نے پہلے بنا لیا تھا مگر اس پر عمل درآمد نور خان ایئربیس پر حملے کے بعد کیا۔ ان کا کہنا تھا کہ 10 مئی کی صبح سوا آٹھ بجے امریکی وزیر خارجہ کا فون آیا اور انہوں نے بتایا کہ بھارت سیز فائر کے لیے تیار ہے۔ اسحاق ڈار نے کہا کہ ہم عوام کی بہتری اور معیشت کے لیے امن چاہتے ہیں اس لیے سیز فائر پر رضامندی ظاہر کی۔