شیخ مجیب پر بنی فلم میں حسینہ واجد کا کردار نبھانے والی بنگلا دیشی اداکارہ گرفتار کر لی گئی
نصرت فاریہ کی گرفتاری
ڈھاکہ (ویب ڈیسک) شیخ مجیب الرحمٰن کی زندگی پر بننے والی فلم 'مجیب: دی میکنگ آف اے نیشن' میں شیخ حسینہ واجد کا کردار ادا کرنے والی بنگلادیشی اداکارہ نصرت فاریہ کو گرفتار کر لیا گیا۔ معروف بنگلا دیشی اداکارہ نصرت فاریہ کو اتوار کے روز ڈھاکا کے شاہ جلال انٹرنیشنل ایئر پورٹ سے گرفتار کر لیا گیا، ان پر گزشتہ سال وزیرِاعظم شیخ حسینہ کے خلاف عوامی احتجاج کے دوران قتل کی کوشش کا سنگین الزام ہے۔
گرفتاری کی تفصیلات
تفصیل کے مطابق 31 سالہ نصرت فاریہ کو اُس وقت حراست میں لیا گیا جب وہ تھائی لینڈ روانہ ہونے والی تھیں، امیگریشن چیک پوائنٹ پر ان کے خلاف وارنٹ کی بنیاد پر کارروائی کی گئی۔
https://t.co/cIPpXTyTaI
ঢাকা বিমানবন্দর থেকে গ্রেপ্তার নায়িকা নুসরত ফারিয়া pic.twitter.com/VPEQiF0scx— Bartaman Patrika (@BartamanNews) May 18, 2025
سیاسی پس منظر
پولیس ذرائع کا کہنا ہے کہ یہ گرفتاری جولائی 2024ء کے حکومت مخالف مظاہروں کے تناظر میں ہوئی، جن کے بعد شیخ حسینہ نے وزارتِ عظمیٰ سے استعفیٰ دیا اور پڑوسی ملک بھارت روانہ ہو گئیں۔
فلم کی تفصیلات
خیال رہے کہ نصرت فاریہ نے 2023ء کی بنگلادیش اور بھارت مشترکہ 'فلم مجیب: دی میکنگ آف اے نیشن' میں شیخ حسینہ کا کردار ادا کیا تھا، جو ہدایت کار شیام بینیگل نے بنائی تھی۔
