پی ٹی آئی اور اپوزیشن اتحاد کا اسپیکر قومی اسمبلی کے خلاف تحریک عدم اعتماد لانے کا فیصلہ

پی ٹی آئی اور اپوزیشن اتحاد کا فیصلہ

اسلام آباد(ڈیلی پاکستان آن لائن)پی ٹی آئی اور اپوزیشن اتحاد نے سپیکر قومی اسمبلی کیخلاف تحریک عدم اعتماد لانے کا فیصلہ کرلیا۔

یہ بھی پڑھیں: دائیں طرف شکایتی، لڑاکے، خواہ مخواہ کی درخواست بازی کے عادی جبکہ بائیں جانب برد بار، تحمل مزاج اور دوستیاں نبھانے والے لوگ آباد ہیں

عدم اعتماد کی تیاریاں

نجی ٹی وی چینل جیو نیوز کے مطابق پارٹی ذرائع کا کہنا ہے کہ بانی پی ٹی آئی سے وکلا اور بہنوں نے ملاقات میں سپیکر کیخلاف عدم اعتماد کی بات کی۔ بانی کو اپوزیشن اتحاد اور محمود اچکزئی کے سپیکر کیخلاف عدم اعتماد کے موقف سے آگاہ کیا گیا۔ بانی پی ٹی آئی نے سپیکر کیخلاف عدم اعتماد کے معاملے کو آگے بڑھانے کا پلان بنانے کا حکم دیدیا۔

یہ بھی پڑھیں: کم عمر لڑکیوں کی جنسی ٹریفکنگ بے نقاب اور برطانوی شہزادے کے خلاف زیادتی کا کیس کرنے والی خاتون نے خودکشی کر لی

حکمت عملی کا اطلاق

پارٹی ذرائع کا کہنا ہے کہ بانی نے پی ٹی آئی قیادت اور اپوزیشن اتحاد کو فیصلے پر عملدرآمد کا اختیار دیا۔ بانی پی ٹی آئی نے کہاکہ موجودہ حکومت کو پارلیمنٹ کے اندر اور باہر ٹف ٹائم دیں۔

اسد قیصر کی رائے

دوسری جانب پی ٹی آئی رہنما اسد قیصر نے کہاکہ سپیکر اور وزیراعظم دونوں کیخلاف عدم اعتماد کا سوچ رہے ہیں۔ پاک بھارت کشیدگی کی وجہ سے عدم اعتماد کا معاملہ وقتی طور پر روکا ہے۔ اگر عدم اعتماد لائیں تو سمجھا جائے گا کہ جنگ میں بھی سیاست کررہے ہیں۔ اسد قیصر نے کہاکہ سپیکر اور وزیراعظم کیخلاف تحریک عدم اعتماد کا آپشن زیرغور ہے، اسے وقت پر استعمال کریں گے۔