پی ایس ایل 10 کے پلے آف میں پہنچنے والی 4 ٹیموں کا فیصلہ ہوگیا، کونسی 2 ٹیمیں باہر ہوئیں؟ جانئے
پی ایس ایل 10 کے پلے آف کی لائن اپ مکمل
لاہور (ویب ڈیسک) ایچ بی ایل پاکستان سپر لیگ (پی ایس ایل) 10 کے پلے آف کی لائن اپ مکمل ہوگئی۔
یہ بھی پڑھیں: سونا ہزاروں روپے مہنگا، فی تولہ قیمت 4لاکھ 10ہزار سے زائد ہو گئی
لاہور قلندرز کی شاندار فتح
نجی ٹی وی جیونیوز کے مطابق اتوار کو پی ایس ایل 10 کے 29 ویں میچ میں لاہور قلندرز نے پشاور زلمی کو ہرا کر پلے آف کیلئے کوالیفائی کرلیا، جس کے بعد ایونٹ کے اگلے مرحلے میں پہنچنے والی 4 ٹیموں کا فیصلہ بھی ہوگیا۔
یہ بھی پڑھیں: عمرہ کے لیے سعودی عرب جانے والے ملزم کے پیٹ سے کوکین بھرے 40 کیپسول برآمد
میچ کی تفصیلات
راولپنڈی میں کھیلا گیا میچ آندھی اور بارش کے باعث تاخیر سے شروع ہوا اور میچ کو 13 اوور تک محدود کردیا گیا۔ پشاور زلمی نے ٹاس جیت کر پہلے فیلڈنگ کا فیصلہ کیا۔
یہ بھی پڑھیں: فواد خان بالی ووڈ میں کس اداکارہ کے ساتھ کر رہے ہیں نئی فلم؟ مداحوں کے لیے خوشخبری!
لاہور قلندرز کا اسکور
لاہور قلندرز نے پہلے بیٹنگ کرتے ہوئے مقررہ 13 اوورز میں 8 وکٹ پر 149 رنز اسکور کیے۔ لاہور قلندرز کے 150 رنز کے ہدف کے تعاقب میں پشاور زلمی کی ٹیم مقررہ 13 اوورز میں 8 وکٹوں پر 123 رنز بنا سکی۔
یہ بھی پڑھیں: انگلش کرکٹر جو روٹ نے نیا ریکارڈ قائم کر دیا
پلے آف کے لئے کوالیفیکیشن
لاہور نے زلمی کو 26 رنز سے شکست دے کر پلے آف کیلئے کوالیفائی کرلیا جبکہ کراچی کنگز، اسلام آباد یونائیٹڈ اور کوئٹہ گلیڈی ایٹرز پہلے ہی پلے آف مرحلے میں پہنچ چکی تھیں۔
یہ بھی پڑھیں: فرخ کھوکھر جمعیت علمائے اسلام میں شامل
پشاور زلمی کا ناکامی کا سامنا
قلندرز سے شکست کے بعد بابر اعظم کی پشاور زلمی ٹورنامنٹ سے باہر ہوگئی، ملتان سلطانز پہلے ہی پلے آف مرحلے کی دوڑ سے باہر ہوگئی تھی۔
یہ بھی پڑھیں: خیبرپختونخوا میں امن کی آبیاری کیلئے آخری حد تک جائیں گے: محسن نقوی
پی ایس ایل 10 کے پوائنٹس ٹیبل کی صورتحال
یہ پہلا موقع ہے کہ پشاور زلمی کی ٹیم پی ایس ایل کے پلے آف کیلئے کوالیفائی کرنے میں ناکام رہی۔ پی ایس ایل 10 کے پوائنٹس ٹیبل پر نظر ڈالیں تو کوئٹہ گلیڈی ایٹر 15 پوائنٹس کے ساتھ سر فہرست ہے۔
کراچی کنگز 12 پوائنٹس کے ساتھ دوسرے، لاہور قلندرز 11 پوائنٹس کے ساتھ تیسری پوزیشن پر ہیں۔ اسلام آباد یونائیٹڈ 10 پوائنٹس کے ساتھ چوتھی پوزیشن پر ہے۔
یہ بھی پڑھیں: سپریم کورٹ نے مارگلہ ہلز میں غیر قانونی تعمیرات پر رپورٹ طلب کرلی
پشاور زلمی اور ملتان سلطانز کی صورتحال
پشاور زلمی 10 پوائنٹس کے ساتھ پانچویں جبکہ ملتان سلطانز 2 پوائنٹس کے ساتھ چھٹے نمبر پر ہیں۔ دونوں ٹیموں کا ایونٹ میں سفر ختم ہوگیا ہے۔
آخری میچ کی توقعات
واضح رہے کہ کراچی کنگز اور اسلام آباد یونائیٹڈ کے درمیان لیگ مرحلے کا آخری میچ پیر کو کھیلا جائے گا، جس کے بعد یہ وضاحت ہوگی کہ پلے آف مرحلے میں کون سی ٹیم کس سے ٹکرائے گی۔
